ESKOM MAAK GROEN PLANNE
AS dit van mnr. André de Ruyter, uitvoerende hoof van Eskom, afhang, sal Suid-Afrika teen 2040 reeds 50% meer toegerus wees met waterstof- en koolstofvrye stelsels wat hernubare energie optimaal benut.
De Ruyter het gesê Suid-Afrika staan aan die voorpunt om oor te skakel na omgewingsvriendeliker energiestelsels om natuurlike energie te omarm en sodoende die gebruik van fossielbrandstowwe drasties te verminder.
Om dit te doen, het Eskom egter “miljarde en miljarde” rande nodig om hom heeltemal te herstruktureer in ’n poging om buitelandse beleggings vanuit die private sektor te lok.
Dít het De Ruyter duidelik gemaak op die jaarlikse Enlit Afrika-energiekonferensie in Kaapstad voor ’n groot gehoor wat verskeie buitelandse hooggeplaastes in die energiewêreld ingesluit het.
Volgens hom is die Suid-Afrikaanse
regering ernstig om Suid-Afrika se energiestelsel te transformeer. Eskom wil die plan spoedig uitvoer, terwyl hy steeds sy ekonomiese doelwitte behaal. Dít sal die groot trekpleister wees vir verskeie plaaslike en internasionale beleggers.
Dit gaan egter nie nét die belastingbetaler se beursie raak nie. Nes Eskom ook op internasionale finansiering staatmaak, probeer die maatskappy om nou meer steun vanuit die private sektor te wen.
“Die proses om oor te skakel na natuurlike energie is onvermydelik. Juis daarom het Eskom beleggers nodig om volhoubare infrastruktuur daar te stel,” het hy gesê.
Hoewel dit ’n projek is wat miljarde rande gaan kos, is dit haalbaar, meen De Ruyter.
WERKGELEENTHEDE
“Ja, daar gaan heelwat mense wees wat hul werk op steen
verloor. Maar volgens navorsing gaan daar tot 160 000 nuwe werkgeleenthede – meer as die bogenoemde verliese – geskep word. Om oor te beweeg na die gebruik van hernubare energie en weg van steenkool is nie ’n proses wat gevrees moet word nie. Dit gaan baie nuwe geleenthede vir Suid-Afrika en sy mense skep.”
Du Ruyter beoog om in die volgende tien jaar ’n groener Suid-Afrika te help skep. Die projek gaan na raming sowat R131 miljard kos. Daarmee sal onder meer 8 000 km tot 10 000 km se energie-oordraglyne gelê en 101 nuwe substasies gebou moet word. Daar moet ook gasgedrewe opwekkingsvermoë van 3 000 MW tot 6 000 MW ontwikkel word.
Mnr. Bernard Rey, hoof van die Europese Unie (EU) se afvaardiging in Suid-Afrika, het beklemtoon Europa staan bankvas agter Afrika in die vasteland se poging om groener energiestelsels te vestig. Die EU ondersteun die regering se doelwit om ’n “skoonenergietoekoms” vir komende geslagte te skep.
Hy het gesê die EU onderneem om €150 miljard (sowat R2 biljoen) aan Afrika te skenk om klimaatsverandering aan te pak.
Dit is aansienlik meer as die $8,5 miljard (R131 miljard) waartoe die EU hom op die Cop26-beraad einde verlekoolmyne
de jaar in Glasgow, Skotland, verbind het.
STEENKOOL BLY
Suid-Afrika se behoefte aan stabiliteit – midde-in die transformasieproses – gaan hom egter steeds van steenkool afhanklik maak. De Ruyter het gesê die land gaan lank ná 2035 nog steenkool gebruik.
“Suid-Afrika se ekonomie is geskiedkundig op steenkool gegrond. Die land kan dié byna eeu lange bydrae van die steenkoolbedryf nie miskyk nie. Daarom het ons ’n morele en maatskaplike verantwoordelikheid om daardie bydrae nie bloot te verwerp en gemeenskappe sonder werk te laat nie.”