Sakpas-etes met VLEIS
Ja, jy kan steeds gereeld vleis op tafel sit, al knyp die begroting. Kies sakpas-snitte soos maalvleis, skenkelvleis of ’n bekostigbare vleissoort soos varkvleis.
die deksel af en verwyder die kastrol van die hitte. Roer die jogurt, suurlemoensap en vars koljander na smaak by. Sit voor op rys, in roti’s of poppadums. Lewer 6-8 porsies.
HERDERSPASTEI MET PATATKAPOK
4 groot patats, geskil en in blokkies gesny
2 uie, baie fyn gekap 2 knoffelhuisies, fyngekap 1 kg beesmaalvleis
30 ml bruinuiesoppoeier 375 ml water
15 ml worcestersous
60 ml tamatiesous Warm melk en botter, vir die patatbolaag Sout en peper na smaak
Voorverhit die oond tot 190 °C. Kook die patats in ’n groot kastrol soutwater tot sag. Terwyl die patats kook, braai die uie en knoffel saam tot sag.
Voeg die maalvleis by en braai bruin. Sprinkel die uiesoppoeier oor en roer deur. Voeg die water, worcestersous en tamatiesous by en verhit tot kookpunt. Prut vir ongeveer 20 minute tot gaar en dik.
Sodra die patats gaar is, druk dit fyn met warm melk en botter. Geur met sout en peper. Skep die vleis in ’n groot oondbak of verdeel tussen 6-8 individuele bakkies en skep die patatmengsel bo-op. Bak vir 20-30 minute. Sit voor met slaai of groente.
Lewer 6-8 porsies.
STADIG GEBAKTE BEESSKENKEL IN RYK TAMATIE-UIESOUS
Jy kan hierdie resep met ’n heel beesskenkel maak (soos op die foto), of vir jou slagter vra om die skenkel vir jou in skywe te saag. Skywe vleis sal vinnig gaar word. Ek hou daarvan om die heel skenkel gaar te maak tot dit so sag is dat die vleis van die been afval en om die vleis dan met twee vurke te pluis. Skenkelvleis is heerlik geurig en maak die lekkerste ragout om oor polenta of pasta te geniet.
4 groot uie, gehalveer en dungesny
60 g botter, gesmelt
5 ml sout
1,7 kg heel beesskenkel of beesskenkelskywe
Sout en varsgemaalde swartpeper na smaak
45 ml olie
15 ml tamatiepasta
30 ml worcestersous
30 ml bruinsuiker
625 ml goeie beesvleisaftreksel
1 blik (410 g) tamatiepuree Paar takkies vars roosmaryn Hand vol roma-tamaties (opsioneel)
Voorverhit die oond tot 150 °C.
Meng die uie, gesmelte botter en sout in ’n oondbak. Geur die skenkels met sout en peper en braai dit vinnig in die olie in ’n pan bruin. Sit die vleis op die uie in die oondbak. Meng die tamatiepasta, worcestersous, bruinsuiker, vleisaftreksel en tamatiepuree saam en giet oor die vleis. Pak die takkies roosmaryn bo-op.
Bedek die oondbak met foelie en bak vir ongeveer 2½3 uur tot die vleis baie sag is en die uie ’n gekaramelliseerde sous gevorm het. Haal die foelie af, voeg die tamaties by en druk die bak vinnig onder ’n warm oondrooster om die vleis ’n mooi kleur te gee en die tamaties te rooster.
Lewer 6 porsies.
SOETSUUR GEBAKTE VARKTJOPS
Maklik, vinnig en altyd ’n gunsteling.
Soetsuursous
15 ml worcestersous
30 ml tamatiesous
15 ml sojasous
30 ml bruinsuiker
30 ml appelasyn 1 fyngedrukte knoffelhuisie
2-4 varklendetjops Sout en varsgemaalde swartpeper
Voorverhit die oond tot 200 °C en smeer ’n oondbak liggies met olie. Klits al die bestanddele vir die sous goed saam. Geur die tjops met sout en peper en pak in ’n enkellaag in die oondbak. Giet die sous oor, bedek met foelie en bak vir ongeveer 12 minute tot die vleis net gaar is.
Haal die foelie af en gee die vleis vinnig kleur onder ’n roosterelement. Sit voor met rys of kapokaartappels en slaai. Lewer 2-4 porsies.
VARKVLEISPASTEI
Ek maak geen ander vulsel as hierdie as ek varkvleispastei wil maak nie. Die sjerrie pas soos ’n handskoen by die vleis – ons weet mos varkvleis hou van ’n soetigheid. Maak ’n groot pastei of individuele porsies wat soos tradisionele Engelse pork pies lyk.
Deeg
1 kg (vir individuele pasteie) of 500 g (vir ’n groot pastei) pasteideeg van jou keuse 1 eier, geklits
Vulsel
1 kg varkneksteaks
Sout en varsgemaalde swartpeper na smaak Olie, vir braai
Water
250 ml sjerrie, plus ekstra vir geur
Paar takkies pietersielie 30 ml botter
3 uie, grofgekap
20-30 ml koekmeel
125 ml volroommelk of room 15 ml aangemaakte mosterd Geur die vleis met sout en peper en braai in ’n bietjie olie tot bruin. Bedek die vleis met genoeg water en voeg die sjerrie en pietersielie by. Verhit tot kookpunt, bedek en prut tot die vleis murgsag is. (Vul die water aan soos nodig. Daar moet deurgaans minstens 375 ml vloeistof in die kastrol wees.) Skep die vleis uit en gooi die pietersielietakkies weg, maar behou die kookvloeistof. Pluis die vleis grofweg.
Smelt die botter in ’n pan en braai die uie daarin tot sag. Sprinkel die koekmeel oor en verhit tot dit borrel. Voeg die melk of room by en verhit tot kookpunt, terwyl jy aanhoudend roer. Voeg die sowat 375 ml kookvloeistof by en prut tot die sous effens verdik. Roer die mosterd by en geur na smaak met sout, peper en sjerrie. Voeg die gepluisde vleis by en kook dit deur. Skep in ’n pasteibak of 6-8 individuele bakkies en laat afkoel.
Voorverhit die oond tot 190 °C. Rol die deeg uit en bedek die vulsel daarmee. Gebruik orige stukkies deeg om die pastei mee te versier. Verf met geklitste eier en bak die pastei vir 30 minute tot goudbruin. Lewer 6-8 porsies.