Bonusskema help die boer met hoër koste
Die kosteknyptang in die landbou dwing produsente om meer met minder te produseer. Senwes se pasgemaakte uitgestelde-bonusskema, AgriRewards, verlig produsente se las deur jaarliks lojale klante vir hul volgehoue ondersteuning te beloon.
Die bonusskema AgriRewards verteenwoordig ’n spesiale klem op ons klante, en word reeds goed deur hulle benut, sê mnr. Francois Strydom, groepuitvoerende hoof van Senwes.
WAARDETOEVOEGING
Elke klant se uitgestelde bonus word jaarliks bepaal op grond van die hoeveelheid besigheid wat hy of sy deur die jaar met Senwes doen. Hierdie bonus is onderhewig aan spesifieke reëls wat vir die betrokke jaar van toepassing is. Dié reëls, ten opsigte van die verskillende besighede wat in aanmerking kom, word jaarliks deur die direksie van Senwes bepaal. Gevolglik word die bonus waarvoor klante dan in aanmerking kom, aan die einde van Senwes se boekjaar bekend gemaak.
Strydom verduidelik die voordeel van die skema word ontsluit deur die klant se bonustoewysing jaar ná jaar, mits hy of sy deurgaans met Senwes besigheid doen. Op hierdie manier groei die poel van bonusse ook op ’n jaargrondslag. Hoewel die bonusse nie dadelik uitbetaalbaar is nie, kan die bonustoekennings wel teen die huidige waarde as sekuriteit by Agri Credit Solutions (ACS) aangebied word.
WORD SÓ DEEL
Klante moet registreer om aan die skema deel te neem. Die registrasie is eenmalig en verseker dat deelnemende produsente nie jaar ná jaar hoef te herregistreer nie.
Enigiemand wat geregistreer is en met enige van die deelnemende bedrywe besigheid doen, kom in aanmerking vir ’n uitgestelde bonus. Vir die afgelope 2021-’22-boekjaar het graanlewerings by Senwes-silo’s, graanverkope aan Senwes Grainlink, rentedraende transaksies by Agri Credit Solutions en die aankope van nuwe heelwerktuie by Senwes Equipment ’n toekenning ontvang.
Vir die 2021-’22-boekjaar is
21 Julie 2022
R50/ton vir graanlewerings by Senwes-silo’s, R5/ton op graanverkrygingstonne, 0,35% van gemiddelde rentedraende transaksies by Agri Credit Solutions, en 3% van die aankope van nuwe heelwerktuie by Senwes Equipment aan bonusse toegewys. ’n Bedrag van ongeveer R163 miljoen is gevolglik vir 2022 se bonusse toegeken.
Bykomende bedrywe wat in die 2022-’23-boekjaar gaan deelneem, sluit in aankope by Hinterland-takke, KLV, oesversekering en bateversekering by Certisure, asook onderdeelaankope by Senwes Equipment.
Senwes stel ook die vlakstelsel bekend. Dit is gegrond op die vlak van tonne wat gelewer word by Senwes waar lojale klante wat besigheid doen met ’n kombinasie van die deelnemende bedrywe, bykomende bonusse verdien.
Die vlak van tonne wat by Senwes Grainlink-silo’s gelewer word, is soos volg:
Vlak 1: 2 500 tot 5 000 ton. Vlak 2: 5 000 tot 10 000 ton. Vlak 3: 10 000 tot 20 000 ton. Vlak 4: 20 000 tot 40 000 ton. Vlak 5: Meer as 40 000 ton.
Ander bedrywe se deelname per vlak sluit in:
■ 70% van tonne gelewer, is ook verkoop.
■ R80 per ton bestee aan aankope by Senwes Equipment.
■ R10 per ton bestee aan versekering by Certisure.
■ R667 per ton bestee aan aankope by Hinterland-takke. Die vlakstelsel werk soos ’n belastingstabel. Die bykomende bonusse wat ontvang sal word:
■ Vlak 1: R10/ton bykomend.
■ Vlak 2: R20/ton bykomend.
■ Vlak 3: R30/ton bykomend.
■ Vlak 4: R40/ton bykomend, waarvan R5 in 2023 in kontant uitkeer.
■ Vlak 5: R50/ton bykomend, waarvan R10 in 2023 in kontant uitkeer.
Vir meer inligting oor die stelsel, skakel 018 464 7296.
AGRIREWARDS
Produsente kan op drie maniere vir die bonusskema registreer, naamlik:
Aanlyn. Besoek www. agrirewards.co.za. Registrasie is onderhewig aan aanvaarding van die bepalings en voorwaardes.
SMS. Stuur die woord “AgriRewards” gevolg deur jou ID-nommer na 31022.
Kontak jou naaste graanverkryger of sleutelrekeningbestuurder.