Beskerm jou kanola teen dié swamsiektes
Kanola is ’n belangrike deel van ’n produsent se wisselbouprogram en die volhoubare produksie van gewasse in die Wes-Kaap. Sclerotinia-stamvrot en swartstam is twee swamsiektes wat tot groot gewasverliese by kanola kan lei indien dit nie doeltreffend bekamp word nie.
Die siekte Sclerotinia-stamvrot word veroorsaak deur Sclerotinia sclerotiorum. Hierdie swam oorleef as sclerotia (oorlewingstrukture) in die grond, of in die stoppel by die grondoppervlak. Sclerotia ontkiem om apothecia (kleinerige sampioene in die vorm van ’n gholfpennetjie) te vorm.
Ná reën duur dit 10-12 dae om askospore vry te stel. Temperature van 11-15 °C is nodig vir die sclerotia om te ontkiem en spore vry te stel. Die spore word deur wind versprei, maar askospore kan nie die plant direk besmet nie. Dooie materiaal, soos (ontbindende) blomblaartjies, is nodig om die siklus te voltooi. Dit gee askospore die nodige energie om swamdrade te vorm, wat op hul beurt oksaalsuur vrystel.
Dit is wat benodig word vir die swam om die plantmateriaal binne te dring en te besmet. Binne die plant groei die swam op- en afwaarts in die stam. Só word die beweging van voedingstowwe en water afgesny en die plant vrek.
Soortgelyk aan Sclerotinia-stamvrot oorleef swartstam (Leptosphaeria maculans/Phoma lingam) meestal in die stoppel van die kanolaplant. Swartstam word versprei deur spore wat deur die reën of wind oorgedra word, asook deur besmette saad, en veroorsaak stam- en blaarletsels op die kanolagewas. Hierdie letsels vertoon vaal en is bedek met swart spikkels.
Stamletsels veroorsaak verrotting van die stam net bokant die grondoppervlak. Die swam groei vanaf hierdie blaarletsels tot in die stam waar dit later in die seisoen stam- en kroonletsels veroorsaak.
In hierdie fase word die opwaartse en afwaartse vervoer van water en voedingstowwe beperk en onderbreek. In die geval van ’n gevorderde besmetting kan die plant omval, wat groot opbrengsverliese tot gevolg kan hê.
BESTRY SIEKTES SÓ MET PUIK PRODUK
Die produk Aviator® Xpro™ is die kombinasie van twee aktiewe bestanddele, naamlik biksafen (SDHI) en protiokonasool, met verskillende metodes van werking. Dit bied langdurige en ongeëwenaarde siektebekamping met die voordeel van ’n opbrengsverhoging danksy die unieke verspreiding deur die kleingraanblaarweefsel vanweë die Xpro-tegnologie. Dit het ook ’n gunstige impak op die plant se fisiologie.
Aviator® Xpro™ is spesiaal ontwerp vir ’n uitstekende antiweerstandstrategie vir kleingraanprodusente.
Bespuiting teen swartstam moet plaasvind wanneer die plant die vier- tot sesblaarstadium bereik. Die rede is omdat besmetting reeds vroeg kan plaasvind. Die laatste tyd vir bespuiting is die roset- (oftewel greenbud) stadium.
Die tyd van toediening teen Sclerotinia-stamvrot sal afhang van klimaatstoestande en dit kan dus van jaar tot jaar verskil. As ’n algemene riglyn moet met 20-30% blom gespuit word, maar in sommige jare wanneer die klimaatstoestande nie gunstig vir die siekte is om te ontwikkel nie, kan ’n later bespuiting (nie later as 50% nie) meer ideaal wees.
Indien toestande steeds ongunstig bly vir die ontwikkeling van die siekte (warm, droë toestande) ná 50% blom, sal ’n swambespuiting onnodig wees. Die rede is ná 50% blom (volblom, helderste geel) is die meeste van die blomme op die sytakke. Die risiko vir die blomblaartjies om op die hoofstam te val en dalk ekonomiese skade te veroorsaak, word dus kleiner. Onthou dat ’n 10%-verandering in blompersentasie slegs 3-4 dae duur.
Die doeltreffende bekamping van swartstam en Sclerotinia-stamvrot is nie net belangrik vir die lewering van ’n goeie opbrengs nie, maar ook om die volhoubaarheid van jou boerdery te verseker.
NAVRAE: Vir meer inligting oor Aviator® Xpro™ , kontak jou naaste Bayer-verteenwoordiger. Web: www.cropscience.bayer.africa/ za/en-za.html
BRONNE: https://overberglandbou. files.wordpress.com/2014/06/soillinligtingsbrief-2014-05-mei.pdf;
departement landbou (Elsenburg). Aviator® Xpro™, reg.nr. L10089 (Wet 36 van 1947), bevat biksafen en protiokonasool (skadelik). Prosaro®, reg.nr. L8510, bevat tebukonasool en protiokonasool (versigtig). Albei is geregistreerde handelsmerke van Bayer AG, Duitsland. Gebruik volgens aanwysings.