Warm winterpoeding
Dit is winter en die beste manier om etes af te sluit, is met ’n bakkie soet, warm poeding.
en bak vir ongeveer 25 minute of tot ’n toetspen skoon uit die middel van die poeding kom. Maak die toffiesous terwyl die poeding bak: Verhit al die bestanddele stadig saam oor lae hitte, terwyl aanhoudend geroer word, tot al die suiker gesmelt is. Sodra die suiker gesmelt is, verhit verder tot kookpunt. Verlaag die hitte en laat prut die sous stadig vir 3-5 minute. Skep die kokende sous oor die vuurwarm poeding sodra dit uit die oond kom en laat die stroop goed intrek voor die poeding voorgesit word. Sit voor met roomys of vla. Lewer 6 porsies.
KANEELKLUITJIES
’n Stoofplaatpoeding wat jy weer en weer sal wil maak.
Stroop
1 liter water 250 ml witsuiker 10 ml fyn kaneel Knippie sout
Beslag
125 ml gladde appelkooskonfyt 120 g botter
10 ml koeksoda Knippie sout 375 ml koekmeel 5 ml fyngerasperde lemoenskil
Verhit die water, suiker, kaneel en sout vir die stroop saam in ’n swaarboomkastrol (met ’n inhoudsmaat van ten minste 3½ liter) tot die suiker gesmelt is. Verhit verder tot kookpunt en kook vinnig vir 5 minute.
Terwyl die stroop kook, smelt die appelkooskonfyt en botter vir die beslag saam in ’n afsonderlike kastrol tot glad. Verwyder van die hitte en laat effens afkoel. Roer die koeksoda en sout by. Sif die koekmeel oor en voeg die lemoenskil by. Roer tot goed gemeng.
Skep lepels vol van die beslag in die kokende stroop. Sit die deksel op en laat vir 15 minute stadig oor lae hitte prut (moenie die deksel oplig nie, want die kluitjies sal platval en toeslaan, en nie lig en uitgerys wees nie). Sit stomend warm voor met vanieljeroomys of vla.
Lewer 6 porsies.
VEERLIGTE SUURLEMOENPOEDING
As jy nie van ’n swaar of ryk nagereg hou nie, is hierdie heerlike suurlemoenpoeding vir jou bedoel.
60 g sagte botter
250 ml strooisuiker 4 ekstragroot eiers, geskei 10 ml vanieljegeursel
100 ml bruismeel
100 ml vars suurlemoensap 10 ml fyngerasperde suurlemoenskil
60 ml water
375 ml volroommelk of room Versiersuiker, om oor te sif
Voorverhit die oond tot 160 °C en smeer ses individuele ramekins met botter of bespuit met kleefwerende kossproei.
Verroom die botter en strooisuiker baie goed. Voeg die eiergele en vanieljegeursel by en klits goed. Roer die bruismeel, suurlemoensap en suurlemoenskil by.
Meng die water en melk (of room) en roer bietjies-bietjies op ’n slag by die beslag, tot ’n gladde mengsel. Klits die eierwitte in ’n skoon bak styf en vou dit by die beslag in.
Verdeel die beslag tussen die voorbereide bakkies. Pak die bakkies in ’n groot oondbak en giet kookwater tussen die bakkies tot halfpad teen die kante van die bakkies.
Bak vir 18-20 minute tot die poedings uitgerys en goudbruin bo-op is.
Haal uit die oond en laat die poedings in die warmwaterbad afkoel tot louwarm. Haal versigtig uit die water, sif versiersuiker oor en sit voor. Geniet net so of met ’n skeppie geklopte room.
Lewer 6 porsies.
WARM MODDERKOEK MET KARAMEL
Een van daardie lekker resepte wat diens kan doen as poeding of teetyd-bederf.
250 g botter, in blokkies gesny
200 g donkersjokolade, gekap
250 ml sterk swart koffie 500 ml strooisuiker
60 ml whisky
2 ekstragroot eiers, geklits 500 ml koekmeel
10 ml bakpoeier 1 blik (360 g) karamelkondensmelk
Ganache
120 g donkersjokolade, gekap
100 ml room
Voorverhit die oond tot 160 °C en smeer ’n standaardgrootte ringkoekpan met botter of bespuit met kleefwerende kossproei.
Verhit die botter, sjokolade en koffie saam oor lae hitte tot glad. Laat eenkant afkoel vir ongeveer 5 minute en giet in ’n groot mengbak. Voeg die suiker, whisky en eiers by en klits tot gemeng. Sif die meel en bakpoeier oor en meng goed deur. Giet in die voorbereide pan en bak 1¼ uur of tot die koek net gaar is en daar nog klam krummels aan ’n toetspen vassit as jy dit in die hoogste deel van die koek insteek. Haal die koek uit die oond en laat in die pan afkoel vir 1 uur.
Gebruik ’n dunsteel-houtlepel se steel en druk gaatjies oral oor die bokant van die koek tot die steel aan die boom van die pan raak. Klits die karamelkondensmelk glad en skep in ’n spuitsak. Sny ’n klein puntjie van die spuitsak af en spuit die karamel in elke gaatjie wat jy in die koek gedruk het. Keer die koek uit die pan en smeer die orige karamel bo-oor die koek. Sit die koek op ’n draadrak op ’n bakplaat.
Smelt die sjokolade en room vir die ganache stadig saam tot glad, laat effens afkoel en skep oor die koek. Sit die koek louwarm of teen kamertemperatuur voor met room of roomys. Lewer 16 porsies.
GEBAKTE JOGURTPOEDINGKOEK MET GROENVYEKONSERF
Dié poeding se smaak herinner baie aan karringmelkpoeding en het ’n soortgelyke tekstuur. Maklik om te maak en absoluut heerlik.
Beslag
4 ekstragroot eiers, teen kamertemperatuur
1 blik (385 g) kondensmelk 250 ml dik, natuurlike jogurt 250 ml bruismeel Knippie sout
90 ml gesmelte botter 250 ml groenvyekonserf, grofgesny
Voorverhit die oond tot 180 °C en smeer ’n middelslag-koekpan met botter. Hou eenkant.
Klits die eiers baie goed vir sowat 5 minute. Voeg die kondensmelk en jogurt by en klits goed. Voeg die eier-en-kondensmelkmengsel by die meel en sout en meng tot ’n gladde beslag vorm. Voeg die gesmelte botter by en en meng goed.
Pak die stukke groenvyekonserf in ’n mooi patroon op die basis van die koekpan. Skep die beslag versigtig oor en smeer gelyk. Bak die poeding vir 30-40 minute tot net ferm. Haal uit die oond, laat effens afkoel en keer die poeding uit op ’n dienbord sodat die vyelagie aan die bokant is. Sit voor met geklopte room, skinkroom of roomys. Lewer 8 porsies.