Winsgewender beeste, vinniger! KORTOM
Die wetenskap bestaan reeds om die produktiefste diere al as kalwers te identifiseer. Maar sonder behoorlike wegings en metings en die aantekening van dié data sal genetiese vordering in die stoeterybedryf net ’n droom bly. Die Suider-Afrikaanse Stoetteler van die Jaar, mnr. Riaan Theron, vertel hoe hy voor bly met die bestuur van sy Brahman-stoetery.
Die kombinasie van presiese meting, ’n eksperimentele benadering en ’n gesoute sakebrein het daartoe gelei dat ’n “aftreeboerdery” die een eerbewys ná die ander opraap.
Nie net is mnr. Riaan Theron as Molatek, Landbouweekblad en Breedplan se Suider-Afrikaanse Stoetteler van die Jaar aangewys nie, maar hy het ook reeds Breedplan se vyfster-eerbewys vir pres-tasietoetsing vir sy wit én sy rooi kudde ontvang.
Theron en sy vrou, Helena, boer op die plaas Italie naby Koppies in die Noorduit
■ Danksy akkurate metings en presisie-beginsels is mnr. Riaan Theron se “aftreeboerdery” ’n suksesvolle, gespesialiseerde besigheid wat snelle genetiese vooruitgang bereik.
■ Om aan die voorpunt van vordering te bly, soek hy self nuwe teelmateriaal in Amerika en Australië, en hoewel hy stamboominligting bestudeer, verkies hy ook om bulle fisiek te bekyk.
■ Ligloop vir die ooraanbod goedkoop bulle. Theron gebruik ’n onafhanklike keurder om met dié groot besluit te help.
Vrystaat waar hul RAT Brahman-stoetery die kern van die boerdery is. Hulle het ook ’n kommersiële vleisbeeskudde wat verskillende vleisrasse saamgestel is. ’n SA Vleismerino-stoetery, kommersiële vleisskape en ’n klein lêhenboerdery is die jongste toevoegings.
Theron het in 2004 sowat 400 kommersiële vleisbeeskoeie gekoop en die kudde aangehou op die plaas van ’n boer van Koppies. Kort daarna het hy die plaas Italie gekoop en sy beeste daarheen verskuif. Hy het ook 30 wit Brahman-stoetkoeie gekoop en ’n verdere 30 in ’n vennootskap bekom. In 2006 het hy die RAT-stoetery geregistreer.
Hy het later ook rooi Brahmane by on