Rek jou rande só
Die opwindende tyd waarin verbouers van permanente gewasse leef, vereis kennis en wetenskap. Die waarde van biomassa, lewende én dooie materiaal, word ál hoe duideliker.
Die waarde van ’n deklaag is dat dit water bespaar, en dus ook die infrastruktuur en energie wat daarmee vereenselwig word. Die herwinning van ou boorde, wingerde en snoeisels voorkom die vrystelling van koolstofdioksied deur verbranding, wat van 1,6 ton tot 1,8 ton koolstofdioksied per ton hout kan vrystel, volgens die Agroforestry Research Trust.
Verskeie ontledings bewys 1 ton hout bevat 3,1 kg stikstof en 4,9 kg kalium. ’n Boord met groot appelbome lewer ongeveer 100 ton hout per hektaar. Honderd ton verbrande hout bevat dus 310 kg N en 490 kg K, wat tans R36 364 werd is wat bemesting betref.
Grondtemperature kan aansienlik verskil. In die somer kan kaal grond 50 °C oorskry. Daarom is ’n deklaag belangrik, want dit hou grond koel en kan ’n verskil van meer as 20°Cmaak.
RENTMEESTERSKAP
Grond raak nie meer nie. Bestaande hektare moet bestuur word sodat dit konstant ’n hoër opbrengs lewer. Dit is dus belangrik dat boere koolstof plaas waar dit hoort: in die grond. ABC spits hom sedert 2004 daarop toe om afvalhout in ’n waardevolle produk om te skakel en só die landbousektor te help om goeie rentmeesters te wees.
Africa Biomass Company (ABC) het ’n dinamiese bestuurspan wat bestaan uit ’n houtwetenskaplike met ’n PhD-graad, twee ingenieurs (onderskeidelik bedryfs- en meganies), ’n bedryfsielkundige, ’n geoktrooieerde rekenmeester, agt boerderykundiges en twee bosboukundiges. Die maatskappy is toegespits op die lewering van dienste en toerusting, asook waardetoevoeging op lang termyn.
KONTRAKTEURSDIENS LANDWYD
Met agt takke in Suid-Afrika kan ABC elke unieke boerdery met ’n bestuursplan help. Sy dienste sluit in ontbossing, uithaal van ou aanplantings, opmaal (chip) van hout, en vervoer van die houtskerfies (chips) tot by ’n geskikte perseel vir verwerking tot kompos of biobrandstof.
ABC se strooispanne spesialiseer in die uitstrooi van kompos en chips op die bankies van aanplantings.
ABC se reeks strooiers het ’n unieke uitstrooi-aksie om die materiaal teen die verlangde wydte en dikte egalig op die bankie te plaas, selfs vir netaanplantings.
TOERUSTING VIR HOUTHERWINKING
Bandit se houtkerwers (chippers) is die betroubare toerusting waarop ABC se kontrakteursdiens steun. Bandit bestaan reeds sedert 1983 en die eerste Bandit-toerusting het al in 1996 in Suid-Afrika begin werk. ABC monteer Bandit handvoer-hout-chippers sedert 2017 op SABS-goedgekeurde onderstelle. Die reeks strek van ’n handvoer-model (PTO) met ’n 150 mm-kapasiteit en 18 kW tot die grootste chipper met ’n kapasiteit van 1 143 mm en 900 kW.
WERKWINKELDIENSTE
ABC het ’n werkwinkel, onderdelepakhuis en aanlyn winkel, en bied velddienste met gespesialiseerde tegnici, asook ’n lemslypdiens.
ABC hou ’n minimum van ses maande se onderdelevoorraad aan om in sy klante en sy eie behoefte te voorsien.
Spesiale diensvoertuie doen kleiner herstelwerk in die veld. Groter herstelwerk, volledige dienste en die herbou van houtherwinningstoerusting word by ABC se hoofperseel op Worcester in die Wes-Kaap gedoen.
SNOEISELS
Ná deeglike navorsing het ABC besluit om die Spaanse Serrat-stokkiekappers in te voer en te versprei. Serrat-toerusting is doeltreffend en duursaam. Dit kerf die gesnoeide takke in die boordry op en strooi dit oor die bankie. Serrat bou ’n wye reeks met verskillende wydtes en kapasiteite.
KOMPOSDRAAIERS
ABC ontwikkel toerusting op aanvraag onder die Badger Biomass Equipment-naam. Die Badger Bioturn is ’n komposdraaier wat met ’n aggressiewe rotor-aksie die materiaal draai en deurlug. Dit het ’n hidrouliese stuurfunksie en kan bo-oor die ry oplig.
ENERGIEOPWEKKING
Hout-chips word gebruik om hitte-energie vir landbounywerhede en die pluimveebedryf op te wek. Dit is dus ’n volhoubare en groen opsie.
NAVRAE: Web: abc.co.za