Moenie met Boran se eienskappe inmeng

Te veel kos, bestuur wat met die natuur inmeng, gulsigheid en skoue het al tot menige beesras se ineenstorting gelei.

Dit lei dikwels tot wantroue teenoor stoetbeeste by kommersiële beesboere, en dan begin hulle soek na ’n ras waarmee hulle die 21ste eeu met sy veranderende klimaat met vertroue kan aandurf. Boonop is verbruikers lugtig vir hormone en groeibevorderaars.

Die Boran is al eeue oud en in Sentraal-Afrika se natuurlike toestande veredel. Die Boran-beestelersgenootskap het hom voorgeneem om nooit korttermynwins as doelwit te hê nie, maar om die ras se eienskappe te beskerm en te verbeter, sonder om dit te probeer verander.

Die Boran se genetiese samestelling bestaan uit 64% Bos indicus, 24%, Europese Bos taurus en 12% Afrika

Bos taurus, wat dit ideaal maak vir kruisteling waar basterkrag koning is.

Raseienskappe Afrika se moederkoei

■ Goeie uiers met goed gevormde

spene.

■ Produseer genoeg melk om kalwers teen meer as 50% van die moeder se gewig te speen.

■ Goeie moedereienskappe om roofdiere af te weer.

■ Kalwers het ’n uitstekende oorlewingspersentasie.

■ Kalwers is klein met geboorte (bulle gemiddeld 28 kg en verse gemiddeld 25 kg) en daar is bykans geen probleme met kalf nie.

Langlewendheid

■ Dit is normaal as ’n 15-jarige koei nog goeie tande het en gesond en vrugbaar is.

■ Dit is bewys dat ’n 16-jarige bul nog

hoëgehaltesaad vir KI produseer.

Vrugbaarheid

■ Dit is die Boran se beste eienskap, veral in moeilike voedingstoestande.

■ Die koei hou in uiterste toestande aan produseer en maak haar kalf groot sonder om self kondisie in te boet.

■ Relatief min gewigsverlies oor die soogtydperk; sy behou dus haar kondisie om weer dragtig te kan raak.

■ Boran-verse bereik gemiddeld puberteit op 385 dae.

Siekteweerstand

■ ’n Los, beweeglike vel met kort hare en hoë afskeiding van olie maak die Boran minder aantreklik vir bosluise en vlieë.

■ Dik oogbanke met baie lang oogwimpers en ’n lang stert met ’n sterk spiertrekking help om insekte af te weer.

Temperament

■ Borane is in die algemeen baie mak, rustig en maklik om te hanteer.

Karkasgehalte

■ Proewe in Nebraska, Amerika, toon dat die Boran en sy kruisings voortdurend beter punte vir vleissagtheid, marmering en oogspiergrootte as ander seboe-rasse behaal.

Kudde-instink

■ Die Boran se sterk kudde-instink maak

bestuur in bosveld maklik.

■ Dit is bykans onmoontlik om ’n individuele dier uit ’n kudde te steel.

■ Skakel ruvoer om na vleis van goeie

gehalte.

■ Die Boran se groot rumenkapasiteit is sigbaar in sy uitsonderlike karkasdiepte. Die beeste word suksesvol op die veld vetgemaak sonder ’n energieaanvulling.

■ Hulle is goed by die Afrika-omgewing

en -klimaat aangepas.

■ Danksy ’n goeie loopvermoë kan die Boran gemaklik loop en groot afstande aflê agter weiding en water aan.

■ Die ras is bekend om sy nie-selektiewe

weigewoontes.