Rooi stal spog met nuwe grondbewerkingswerktuie
Gevorderde nuwe grondbewerkingswerktuie is onlangs tot Case IH se uitgebreide reeks boerderytoerusting gevoeg.
Case IH se nuwe toerusting sluit die Case-Ecolo Tiger 875-skeurploeg, Case 475 Speed-Tiller-hoëspoedskottelploeg, Case Tiger-Mate 255-saadbeddingvoorbereider, Case True-Tandem 335VT en vertikale 335VT Barracuda-bewerkingsgereedskap en die Case True-Tandem 375-skotteleg in.
Case IH word erken as ’n leier in kragtige, betroubare en hoogs doeltreffende toerusting om boere te help om die probleme van die moderne landbou die hoof te bied.
Volgens Johan Grobler, produkspesialis by Case IH Implemente, begin die maksimalisering van opbrengspotensiaal tydens die primêre bewerking. Een van die belangrikste elemente is behoorlike grondbestuur.
Case IH wéét dat boere die opkoms van hul gewasse in die lente aansienlik kan verbeter deur gesonde grondbewerkingspraktyke in die herfs en winter.
Die Case IH-grondbewerkingsreeks lewer betroubare resultate en ergonomiese, robuuste werkverrigting om in al boere se behoeftes te voorsien. Die reeks se bewerkingstoerusting sluit hoëspoed-skottelploeë, skottelêe, swaarafset-skottelêe, skottelploeë, strookbewerkers en skottelsnyers in, asook inlynskeurploeë, beitelploeë en saadbeddingvoorbereiders.
Die Ecolo-Tiger® 875-skeurploeg het indrukwekkende snykrag, hoë onderraamvryhoogte en ’n minimum van 91 cm-spasiëring tussen punte. Dit sny en meng plantreste vir beter voedingstofvrystelling in ooreenstemming met spesifieke gewasbehoeftes.
Die Ecolo-Tiger hervestig ideale gronddigtheid, verbeter interne dreinering en verhoog waterhouvermoë. Dit maak die grond gelyk om ’n hoë-opbrengsomgewing vir plante te skep.
Die 475 Speed-Tiller®-hoëspoedskottelploeg bied ’n doeltreffende bewerkingsoplossing. Dit skep ’n ideale saadbedding met ’n grondafwerking wat gereed is vir plant en ’n gladder, gelyker ondergrondse vloer wat noukeurige saadplasing en jongwortelontwikkeling bevorder. Sy stewige werking sorg vir dieper indringing in taai grondtoestande in die herfs en winter, tesame met uitstekende insluiting van plantreste.
Die Tiger-Mate® 255-saadbeddingvoorbereider het gevorderde kenmerke wat ’n beter skagsamestelling, sentraal verdeelde veegontwerp en hidrouliese enkelpunt-dieptebeheer insluit. Alles werk saam om ’n ideale groei-omgewing vir gewasse in enige landtoestand te skep.
Die werkesel-komponent van hierdie werktuig is die voortreflike skagsamestelling, wat krag en buigsaamheid kombineer om werkspoed van tot 16 km per uur moontlik te maak. Dikker skagte, ’n sterker skagskermkanaal en verhoogde houvermoë help om vinnig veranderende grondtoestande te bestuur.
Die veeldoelige True-Tandem® 375-skotteleg is ontwerp vir moeilike grondtoestande en ideaal vir primêre bewerking en saadbeddingvoorbereiding in die lente én herfs.
Die simmetriese ontwerp bied reguit, maklike intrek van grond vir ’n gelyke grondafwerking. True-Tandem-skyfeg-tegnologie kombineer egalig verspreide trekkrag met spesiale aardmetaallemme vir optimale verrigting, selfs in hardnekkige grondtoestande. Dit sny deur taai oorblyfsels, pluk wortelknolle uit en maak die grond gelyk vir die bes moontlike saadbedding.
Met die vertikale True-Tandem™ 335VT-bewerkingswerktuig kan jy swaar, ongelyke grond en selfs klipperige toestande aanpak.
Case IH se vertikale bewerkingsreeks is gebou op bewese landbouontwerpbeginsels met spesiale lemme, sodat boere doeltreffend kan sny en meer plantreste kan begrawe. Hierdie gepatenteerde stelsel beweeg materiaal op, oor en uit om gronddeeltjies te stratifiseer en luginsluiting te verhoog vir beter grondbewerking en saadbeddingvoorbereiding.
Die vertikale True-Tandem™ 335VT Barracuda-werktuig bewerk die grond en werk selfs die hardnekkigste plantreste in vir ’n ongeëwenaarde, gladde oppervlakafwerking. Presiese diepte-aanpassing maak voorsiening vir groter beheer oor grondbedekking tydens plant om by ’n wye reeks grondtipes, topografieë en bestuursdoelwitte te pas. Dit bevorder ’n beter saadbeddingafwerking sonder die oormatige verdigting wat dikwels die geval is met die gebruik van swaarder skywe.
Kontak jou plaaslike, gemagtigde Case IH-handelaar vir nog inligting oor hierdie grondbewerkingswerktuie.