Saam met die boer deur elke seisoen
Vir John Deere Financial is die volhoubaarheid van ’n boer se besigheid die belangrikste. Daarom word die boer se hand gevat op die pad na sukses.
Die maatskappy John Deere Financial is vasbeslote om jou besigheid te help seëvier. Dit beteken dat John Deere Financial jou wil bemagtig om die beste toerusting en werktuie te bekom deur pasgemaakte finansieringsopsies en ’n vertrouensverhouding sodat jy jou besigheid te alle tye doeltreffend kan bestuur.
“Saaiery bly veral my groot passie,” sê WA de Klerk, ’n lojale John Deere Financial-kliënt. “Met die tegnologie en werktuie wat daagliks vooruitgaan, bly dit vir my opwindend.”
John Deere Financial verstaan dat boere in ’n snel veranderende wêreld leef, met ’n toenemende vraag na landbouprodukte en voortdurende tegnologiese ontwikkelings. Daarom wil die maatskappy sy kliënte toegang gee tot die jongste John Deere-tegnologie.
Vooruitgang in die bankwese en landboutegnologie bied John Deere Financial die geleentheid om anders te dink oor landboufinansiering. John Deere Financial werk nou saam met vennote om te verseker dat al die finansiële oplossings doeltreffendheid bevorder.
Hierdie strategiese vennootskappe maak dit vir John Deere Financial moontlik om aanloklike rentekoerse en buigsame finansieringsopsies te bied vir die spesifieke behoeftes van die landboubedryf.
John Deere Financial glo in die onmoontlike. Soos WA sê: “John Deere Financial maak dit vir jou moontlik om in ’n moeilike jaar sekere dinge te kan doen wat nie normaalweg met jou kontantvloei moontlik sou wees nie.”
Rentekoerse en finansiële opsies word ook geskep wat by die boer se sak en sy besigheid se spesifieke behoeftes pas.
Die buigsame finansieringsopsies stel boere in staat om toerusting en werktuie aan te koop sonder om ’n groot bedrag vooraf te betaal.
John Deere Financial verstaan dat boere groot struikelblokke moet oorkom. Saam met hierdie probleme kom egter ook geleenthede. Daarom is sy finansiële oplossings só gestruktureer dat dit aan jou besigheid se vereistes voldoen.
Omdat John Deere Financial die sikliese aard van die landboubedryf verstaan, maak dié maatskappy dit vir jou moontlik om die sprong te maak, met inagneming van jou kontantvloeisiklus, deur sy persoonlike dienste te gebruik.
John Deere Financial glo in die mag van persoonlike ondersteuning. Die John Deere Financial-spesialiste ken jou bedryf en jou besigheid – hulle verstaan die aard van die landbou in Suid-Afrika, asook die kwessies wat oor jou pad kom.
Onder leiding van jou kundige John Deere Financial-spesialis kry jy toegang tot ’n pasgemaakte diens wat winsgewendheid en groei bevorder. Hierdie spesialiste kén die landbou – van klein boerderye tot kommersiële bedrywighede – en het die kennis en vaardighede wat jou besigheid nodig het om te floreer. Hulle bied meer as net raad — hulle bied jou vennootskap, ondersteuning en gesamentlike sukses.
“Ons pad saam met John Deere Financial strek oor baie jare en dis ’n verhouding wat bly groei,” sê WA. “Dit is eerder ’n vennootskap as net ’n besigheidsverhouding. Dit is lekker om só ’n pad saam met iemand te kan stap wat jou laat voel asof jy ’n vriend is en nie net ’n nommer nie.”
John Deere Financial het nog altyd hard gewerk om sy kliënte van die beste oplossings en diens te voorsien, sedert die maatskappy boere destyds toegelaat het om ploeë op krediet aan te koop. John Deere Financial is ’n toegewyde vennoot wat by jou sal staan, seisoen ná seisoen, jaar ná jaar.
Algemene doeltreffendheid en digitale interne stelsels maak dit vir John Deere Financial moontlik om pasgemaakte aanbiedinge te struktureer en langtermyn-verhoudings te handhaaf.