Dié toerusting is opgewasse vir die taak
Husqvarna het spesialis-buitelug toerusting spesifiek vir kleinboere ontwikkel, want dié boere het dikwels nie die nodige kontant om groot trekkers en ander toerusting te koop nie.
Kleinskaalse boerdery speel ’n ál groter rol om in die wêreld se toenemende voedselsekerheid s behoeftes te voorsien. Om klein skaal seboe rete ondersteun, word tegnologiese vooruitgang voortdurend gemaak om doeltreffende, klimaatbestande praktyke te lewer wat tot hul wins kan bydra.
Pieter Smuts, besturende direkteur van Husqvarna SuidAfrika, sê hierdie stap om kleinboere te ondersteun, het gelei tot die ontwikkeling van toerusting vir dié bedryf. “Kleinboere wend hulle toenemend tot tegnologie om opbrengste te verhoog, gehalte te verbeter en koste te verminder. Dit beïnvloed elke deel van hul produksieproses, waaronder die toerusting wat hulle gebruik,” sê Pieter.
Kleinboere het dikwels nie die kontantvloei om groot trekkers en ander toerusting te koop nie.
Pieter gee ’n paar voorbeelde van die kleiner toerusting wat deur Husqvarna ontwerp is en wat lewens veranderend vir Afrika se kleinboere kan wees.
Skoonmaak van nuwe grond
Droogte, veranderinge in reënvalpatrone en bosindringing lei alles tot ’n verlies aan bewerkbare grond. Met die regte toerusting is die skoonmaak van grond egter nie so ’n groot taak as wat ’n mens sal verwag nie.
Kettingsae, skoonmaaksae en paalsae maak korte mette met bome en bosse. Boonop word ruwe gras, onkruid, klein bossies en ruigtes doeltreffend met bossiekappers skoongemaak.
Husqvarna se bossiekappers het snykoppe wat maklik verstel kan word deur die tipe lem te verander na gelang van die taak – van fyn snoeiwerk tot swaar take op ruwe terrein.
En om die werk klaar te maak, is ’n doeltreffende stompverwyderaar, soos Husqvarna se veelsydige stompmeule, ’n absolute móét as jy met minimum moeite van wortels en stompe ontslae wil raak, selfs in beknopte areas.
Tuintrekkers
’n Klein trekker is ’n doeltreffende, selfs noodsaaklike hulpmiddel vir die kleinboer. Só ’n trekker is kostedoeltreffend, beweegliker en makliker om te bêre as ’n groot trekker.
Hierdie tuintrekkers is beskikbaar met ’n reeks koppelstukke, wat dit ’n veelsydige werktuig maak wat reg deur die jaar gebruik kan word.
Die Husqvarna-tuintrekker is maklik om mee te werk en in stand te hou, en ’n plesier om te gebruik – ’n kragtige vennoot op enige klein plaas.
Grondvoorbereiding
Elke boer moet grond bewerk om goeie resultate te behaal, maar die gebruik van handgereedskap kan tydrowend wees. Met ’n gemotoriseerde tandwerktuig met ’n kragtige oorhoofseklep-enjin kry kleinboere die werk met minimale moeite gedoen. Die werktuig is maklik om mee te werk, te verskuif en te bêre.
Husqvarna het ’n reeks agtertandmodelle ontwerp vir gebruik op verdigte grond wat by die vereiste werkdieptes en -wydtes aangepas kan word.
Daar is ook ’n reeks koppelstukke beskikbaar vir verskillende take, waaronder ’n op-erder en onkruidgereedskap.
Waterbestuur
Waterbestuur is uiters belangrik vir die oorlewing van gewasse en om die kleinboer se opbrengspotensiaal te maksimaliseer.
Om te verseker dat landerye genoeg water kry, is net so belangrik as om te verseker dat die gebied nie te veel water kry nie.
’n Betroubare waterpomp vir besproeiing en dreinering is dus noodsaaklik. Husqvarna se reeks pompe verseker dat ’n boer een sal vind wat by sy spesifieke behoeftes pas. Die pompe is kragtig, dog energiedoeltreffend, kompak, liggewig en maklik om te verskuif na waar hulle ook al nodig is.
Bespuiting
Een van die algemeenste vorme van plaagdodertoediening is die gebruik van meganiese spuite. Gemotoriseerde spuite verminder uitputting vir die operateur en bied meer konsekwente bespuiting en verbeterde produktiwiteit.
Husqvarna bied ’n reeks kragtige spuite gegrond op tenkgrootte wat taai en duursaam, ergonomies en geskik vir ’n wye verskeidenheid gebruike is. As dit gekombineer word met Husqvarna se newelblasers en stuifpompe vir plaagbekamping, het kleinboere alles wat hulle nodig het vir plantversorging.