Wen jou weiding terug
Boere wat goeie weiding aan hul diere wil voorsien, moet hul veld teen indringerplante beskerm. Wuhlf Equipment is ’n goeie bondgenoot in dié strewe.
Die indringing van uitheemse bosse en bome is ’n groot bedreiging vir Suid-Afrika se landbou produktiwiteit en ekologiese balans. Dié indringerplante neem hulpbronne weg van inheemse flora, ontwrig water siklusse en versteur grondvrugbaarheid.
“Om dié probleem aan te pak, verg ’n veelvlakkige benadering wat meganiese skoonmaak, chemiese bekamping en beheerde brand van veld insluit .’ n Omgewingsvriendelik e metode is nie net voordelig nie, maar ook noodsaaklik. Meganiese ontbossing speel hier ’n belangrike rol.
Meganiese ontbossing is nie bloot om ’n area skoon te maak nie – dit kan ook die grond herstel deur voedingswaarde terug te sit deur die ontbinding van organiese materiaal. Die deklaag wat die opgekapte bos vorm, onderdruk die groei van onkruid, werk erosie teë en beperk brandgevaar.
Hier speel Wuhlf Equipment se werktuie ’n onontbeerlike rol. Deur self sy ontbossers (mulchers) te bou met plaaslik vervaardigde komponente, bied Wuhlf Equipment werktuie wat ontwikkel en gebou is vir Suid-Afrikaanse toestande.
Boere in die Dwaalboom-distrik in Limpopo kon onlangs twee van Wuhlf se werktuie, die 930 en 960-2, op ’n boeredag in aksie te sien. Dié twee werktuie se eienskappe sluit onder meer lae onderhoudskoste, permanente 4x4-aandrywing en lugverkoelde kajuite in.
Tydens dié geleentheid het Coert Steenberg, hoofbestuurder van Wuhlf Equipment, aan die hand van praktiese demonstrasies gewys hoe die werktuie digte bos baasraak. Hy het ook die voordele van dié soort ontbossing, soos goeie hergroei om gesonde weiding vir jou diere te gee, verduidelik.
’n Belegging in ’n Wuhlf-ontbosser is dus nie net tot voordeel van die boer en sy diere nie, dit help ook om Suid-Afrika se natuurlike veld te bewaar.
Die Case IH 5150stroper is kompak en liggewig. Waar boere meestal uitgelewer is aan elemente buite hul beheer, is ’n stroper nodig wat ondanks ongunstige toestande die werk gedoen kan kry. Waar groter en swaarder werktuie dikwels geneig is om vas te sit in nat landerye – veral in turfgrond – kom die 5-reeks maklik in dié landerye.
Volgens Tiaan Espach van Brits is die gewig van ’n stroper baie belangrik. “Wanneer jy vinniger in ’n land kan inkom en sodoende die oes vinniger kan afhaal, kry jy meestal beter grade vir jou oes.”
Dit maak winsgewendheid uit die aard van die saak dan baie beter.
Doeltreffend in moeilike toestande
“Die vorige seisoen se strooptyd was moeilik vanweë die baie reën wat geval het ’n week voordat ons wou begin stroop.
“Die Case IH 5150 wat ons toegerus het met rusperbande was die enigste stroper wat in hierdie toestande in die lande kon kom.”
Verlede strooptyd was daar ook plekke waar die kaf nog groen was terwyl die pitte al droog was. Volgens Tiaan het die Axial Flow-kenmerk van die stroper dit egter moontlik gemaak om voort te gaan en in daardie omstandighede steeds te stroop.
Die data wat stropers en ander werktuie insamel, help die moderne boer al hoe meer met besluite. “Met die data wat die stroper tydens die oeswerk ingewin het, kon ons die swak kolle in die lande identifiseer en in die volgende seisoen die nodige stappe doen om ’n egaliger oes te kry.”
Grondverdigting veroorsaak laer opbrengste, daarom is dit iets wat elke boer wil vermy. Aangesien die Case IH 5150 nie so swaar is nie, was daar heelwat minder verdigting.
Die stroper het verder beindruk wat duursaamheid en gehalte betref.
“Die bougehalte van die stroper is goed en die tegnologie daarin sal nog jare lank hou,” sê Tiaan.
Met brandstof wat een van die grootste uitgawes vir ’n boerdery is, word beter brandstofverbruik oral verwelkom.
“Die dieselverbruik van die Case IH 5150 is baie goed en ons het ’n groot besparing ondervind in vergelyking met vorige jare.”
Die Case IH 5150 is geskik vir kleiner en mediumgroot boerderye. Volgens Tiaan beskik die stroper oor alles wat ’n boer wil hê – hoë kapasiteit en maklike toeganklikheid, terwyl dit lig op brandstof is, maar ook in gewig.
“Ek sal hierdie stroper vir enige boer aanbeveel, veral die mediumgroot en kleiner boer. Die stroper kan in moeilike omstandighede maklik in en uit die lande beweeg.”
Die grootste teken dat ’n boer tevrede is met ’n werktuig, is seker as hy ’n tweede of derde maal geld aan ’n sekere model bestee.
“Ons het in 2018 ons eerste 5-reeks-stroper aangekoop en vandag staan hier vier sulke stropers wat die werk vir ons baie vergemaklik.”
Die Case IH 5150 is nog ’n voorbeeld van hoe die toepassing van vernuwing en tegnologie die alledaagse werk, prosesse en besluitneming van ’n boerdery aansienlik kan verbeter. Hierdie kompakte stroper maak die deur tot presisieboerdery vir elke boer sommer wawyd oop.
In ’n wêreld waar die toestande nie altyd perfek is nie, moet elke beskikbare hektaar landbougrond ten beste benut word. Met warm somers, koue winters en onvoorspelbare reënval is dit nogal moeilik om heeljaar goeie weiding te verseker. Kropaargras, langswenkgras en lusern kan die antwoord wees, veral op marginale landerye met middelmatige grondvrugbaarheid.
Adremo-kropaargras is ’n baie bestendige meerjarige gras met ’n goeie droëmateriaalopbrengs wat droë somertoestande, middelmatige grondvrugbaarheid en aanhoudende beweiding kan verdra.
Die waarde van enige gras word bepaal deur hoeveel daarvan gevreet word en wat die voedingswaarde van die gras is. Adremo is ’n baie smaaklike gras met ’n hoë voedingswaarde wanneer dit op ’n jong ouderdom bewei word.
Dit word gebruik om die groei en volhoubaarheid van permanente aangeplante weiding te verbeter.
Dié gras groei in ’n groot verskeidenheid grondsoorte – van ligte sandgrond tot nat kleigrond. Die plek waar kropaargras sy volle potensiaal bereik, is op lande waar daar moontlik droë tydperke verwag word. Met lae tot matige vlakke van stikstoftoediening sal kropaargras steeds ’n goeie opbrengs lewer.
Adremo het beperkte wintergroei, maar toon baie goeie groei in die somer, wat dit ’n uitstekende gras maak om in kombinasie met ander weidingsgrasse, soos langswenkgras en raaigras, te plant, asook saam met lusern en klawers.
Die sagteblaar-langswenkgras Apalona is ’n meerjarige weidingsgras wat goed aangepas is by ’n verskeidenheid groeitoestande. Indien daar goeie sorg met vestiging is, het dié gras homself bewys as die antwoord vir volhoubaarheid en goeie produksie in warm somergebiede, koue winters en in moeilike grondtoestande – van droë tot waterdeurdrenkte dele.
Sagteblaar-langswenkgras het ’n baie goeie wortelstelsel en kan beweiding dus goed deurstaan. Die plantjies word nie so maklik uit die grond getrek wanneer dit bewei word nie.
Apalona is ’n kontinentale tipe sagteblaar-langswenkgras met goeie someropbrengs om daardie somergaping in voervloei te vul, maar is ook ideaal vir Mediterreense toestande.
Dit is spesiaal geselekteer vir merkbare fyner blare om die smaaklikheid te verbeter en sodoende die droëmateriaal-inname deur diere te verhoog.
In kombinasie met lusern, klawers en kruie, soos Commander-sigorei, verseker dit ’n deurlopende en volhoubare gemengde aangeplante weiding.
BAR 7-lusern is ’n winteraktiewe dormansie-lusern wat goeie weiding regdeur die jaar verseker. Dit is aangepas by ’n wye reeks toestande en bied goeie opbrengs in koue, nat toestande waar lusern gewoonlik sukkel, asook in warm, droë toestande.
BAR 7 het ’n goeie blaartot-stamverhouding wat dit baie smaaklik vir diere maak.
Lusern is ’n uitstekende komponent om by aangeplante weidings te voeg, aangesien dit ’n peulgewas met ’n diep penwortelstelsel is. Saam met grasse en kruie verseker dit ’n goeie, gebalanseerde dieet vir die diere.
In moeilike toestande en op marginale lande waar raaigras gewoonlik sukkel, is Adremo-kropaargras, Apalona-sagteblaar-langswenkgras en BAR 7-lusern die antwoord vir volhoubare weiding regdeur die jaar.