TOOR MET MALUVARKMAALVLEIS
Varkmaalvleis is bekostigbaar, geurig en gou gaar. Vra jou slagter vir MALU-varkmaalvleis en maak in ’n kits hierdie mondwaterlekker etes daarmee.
Varkmaalvleispastagebak
■ 1 pak (500 g) penne-pasta
■ 15 ml olyfolie
■ 1 ui, fyngekap
■ 15 ml fyngekapte knoffel
■ 1 kg MALU-varkmaalvleis
■ 1 fles (600 g) tamatie-enbasiliekruid-pastasous
■ 1 blik (410 g) gekapte tamaties
■ 15 ml droë gemengde kruie
■ 15 ml droë rissievlokkies
■ Sout en varsgemaalde swartpeper na smaak
■ 250 ml gerasperde mozzarellakaas
1. Kook die penne-pasta in ’n groot kastrol met vinnig kokende soutwater tot gaar, maar steeds ferm.
2. Verhit die olyfolie en braai die ui daarin tot sag. Voeg die knoffel by en braai tot geurig.
3. Voeg die MALU-varkmaalvleis by en braai tot gaar.
4. Voeg die pastasous, gekapte tamaties, kruie en rissievlokkies by. Verhit tot kookpunt en laat prut vir 10 minute. Geur na smaak met sout en peper.
5. Dreineer die pasta en voeg dit by die vleissous.
6. Skep alles in ’n oondbak en sprinkel mozzarellakaas oor.
7. Bak vir 20 minute teen
180 °C tot die kaas goudbruin en gesmelt en die pasta deurwarm is.
Lewer 6-8 porsies.
Kerriemaalvleis vir vetkoek of rys
■ 15 ml olie
■ 1 ui, fyngekap
■ 15 ml fyngekapte knoffel
■ 1 kg MALU-varkmaalvleis
■ 60 ml matige kerriepoeier
■ 60 ml blatjang of appelkooskonfyt
■ 25 ml borrie
■ 20 ml witasyn
■ 1 blik (410 g) gemengde groente, gedreineer
■ 2 lourierblare
■ Sout en varsgemaalde swartpeper na smaak
Verhit die olie en braai die ui daarin tot sag. Voeg die knoffel by en braai verder tot geurig.
2. Voeg die varkmaalvleis by en braai tot gaar.
3. Voeg die kerriepoeier, blatjang (of konfyt), borrie en asyn by. Roer deur en verhit tot kookpunt.
4. Laat prut die maalvleis vir 5 minute voor jy die gedreineerde groente en lourierblare byvoeg.
5. Roer liggies deur, bedek die kastrol en laat staan die maalvleis vir 5 minute. Sit voor op rys of in vetkoek.
Lewer 6-8 porsies.
Varkmaalvleis-nacho’s Maalvleis
■ 15 ml olie
■ 1 ui, fyngekap
■ 15 ml fyngekapte knoffel
■ 1 kg MALU-varkmaalvleis
■ 15 ml droë gemengde kruie
■ 240 g tamatiepuree
■ 1 blik (410 g) gekapte tamaties
■ Sout en varsgemaalde swartpeper na smaak
■ 1 blik (440 g) heelpitmielies, gedreineer
Om saam te stel
■ 1 groot pak (250 g) nachoskyfies
■ 375 ml gerasperde kaas
■ Tamatiesalsa, nierboontjies, guacamole, jalapeño-rissies en suurroom, om af rond
1. Verhit die olie en braai die ui daarin tot sag. Voeg die knoffel by en braai verder tot geurig.
2. Voeg die MALU-varkmaalvleis by en braai tot gaar.
3. Voeg die kruie, tamatiepuree, tamaties en sout en peper na smaak by.
4. Verhit tot kookpunt en laat prut vir 6-8 minute.
5. Skep die maalvleis op ’n bed van nachoskyfies, sprinkel kaas oor en rooster onder ’n warm roosterelement tot die kaas gesmelt is.
6. Rond af met tamatiesalsa, nierbone, guacamole, jalapeño-rissies en suurroom.