Nedine Blom ook by boekbekendstelling
Nedine Blom se bekendheid as sanger strek veel wyer as haar Supercool vir Jesuskinderlofprysingsliedjies en -optredes wat deur omtrent 500 000 kinders tussen die ouderdom van 6 – 14 regoor Suid-Afrika geniet word.
Sy het al ‘n draai in Kanada en België gemaak en in Januarie 2013 deel geword van die musiekgroep, Die Jaloersbokkies. Dié groep se eerste album, Piekniekliedjies is in Oktober 2016 uitgereik. Hulle musiek word beskryf as “eg Kaaps soos breyani en koesisters, soos ghoema en winterreën”.
Nedine tree as seremoniemeester en gaskunstenaar op in die Diaz Hotel op 4 November tydens die boekbekendstelling van Shéri Brynard. Die hotel bied ook ‘n ontbyt aan en die hele geleentheid word deur die NG Kerk Danabaai gereël.
Shéri Brynard is ‘n uitsonderlike jong vrou wat ten spyte van Downsindroom groot hoogtes bereik het. Sy het ‘n onderwyskwalifikasie, tree op as motiveringspreker (ook op 4 November), is ‘n internasionale ambassadeur vir persone met Downsindroom, het op verskeie plekke in die wêreld al beleidsredes by internasionale konferensies vir Downsindroom gelewer en is lid van die presidensiële werksgroep vir Persone met Gestremdhede in Suid-Afrika.
Besprekings kan gedoen word teen R250 per persoon by Angie Gomes (044 698 1251 of 078 423 8611), Ria Schutte (044 698 1738/ 083 532 4669), Elsa Kretzenger (044 698 1364 of 083 387 3356) of die kerkkantoor (044 698 1977).
Besprekings is ook beskikbaar vir ‘n hele tafel.