Is jou troeteldier wettig?
Die eienaars van meerkaaie en 'n eksotiese vos is hulle goedversorgde troeteldiere kwyt nadat lede van die Da Gamaskop-polisie en CapeNature die diere vandeesweek uit hulle sorg verwyder het. Die egpaar wat tans in 'n spogwoonkompleks in Hartenbos bly, het na bewering vanaf die Oos-Kapp verhuis en in Mosselbaai met hulle troeteldiere hervestig. Nadat 'n lasbrief bekom is, is die diere, twee meerkaaie en 'n woestynvos vanaf die perseel verwyder. Die diere word tans, volgens inligting, in 'n dieretuin bewaar totdat die saak afgehandel is.
Die Mossel Bay Advertiser het na aanleiding van hierdie voorval spesifieke vrae aan CapeNature gerig. Van die vrae het ingesluit:
• watter dokumentasie word benodig om wilde diere in ‘n huishouding as troeteldiere aan te hou?
• waarvan word oortreders aangekla en wat is die sanksie?
• word diere summier verwyder of is daar ‘n waarskuwings- en/of opvoedingsperiode van toepassing?
• sou die permitte bekom word, kan eienaars hul diere weer terugkry?
• wat is die uiteinde van geskutte diere?
• wat is die aanmeldingsprosedure, indien mense vermoed wilde diere word onwettig aangehou?
Owerheid reageer
CapeNature het by monde van Loren George, 'n openbare skakelwerk- en digitale bestuurder van bemarking en eko-toerisme by die organisasie, soos volg op die navraag reageer.
Met die aanhouding van wilde diere benodig eienaars dokumentasie van verkryging wat ook vervoerpermitte en besitpermitte insluit.
Dit is raadsaam dat voornemende eienaars eers vir CapeNature skakel om navraag te doen en sodoende te bepaal of die beoogde diere wel in aanhouding in die WesKaap toegelaat word en wat die vereistes vir aanhouding is. CapeNature volg ‘n versigtigheidsbenadering (precautionary approach) met die aanhouding van wilde diere in privaat besit en die aanhouding word dus streng beperk.
Die privaat aanhouding van meerkaaie, roofdiere, tarantula-spinnekoppe en ook krimpvarkies word nie in die Wes-Kaap
Die privaat aanhouding van meerkaaie, roofdiere, tarantula-spinnekoppe en ook krimpvarkies word nie in die Wes-Kaap toegelaat nie.
toegelaat nie. Voornemende eienaars word ook aangemoedig om met hulle plaaslike owerheid en huiseienaarsvereniging, waar van toepassing te skakel om uit te vind of addisionele toestemming vir die aanhouding van wilde diere benodig word.
Met oortredings van die Natuurbewaringsordonnansie, Ordonnansie 19 van 1974 word die oortreding ondersoek en voorgelê aan die staatsaanklaer vir beslissing. Waar persone die wetgewing oortree word die diere gekonfiskeer en volgens die normale regsproses geprosseseer.
Dit is dus van kardinale belang dat persone uitvind of hulle spesifieke diere kan aanhou en wat die proses om dit wettig te bekom behels voordat hulle die diere kry.
CapeNature kry wel gereeld navrae van mense wat wil uitvind of hulle sekere wilde diere kan aanhou.