Ray Dylan vanjaar op Brandwag tydens feesnaweek

Bekende Suid-Afrikaanse-sanger, Ray Dylan kom hou op Vrydagaand, 16 Maart konsert by die NG Kerk Brandwacht tydens die gemeente se feesnaweek.

Die konsert begin om 19:00 en vind in die feestent op die kerkterrein plaas. Die NG Kerk Brandwacht is ongeveer 11km buite Hartenbos, in die rigting van Oudtshoorn geleë.

Konsertkaartjies se kostes is R120 per persoon en is by die pastorie (044 694 0013) en Roadlab Mosslab (044 695 2387) beskikbaar.

Geen kaartjies sal die aand by die deure te koop wees nie. Etes en wyn sal by die konsert te koop aangebied word en daar sal ook gelukstrekkings wees.

Soos gewoonlik beloof dit om weer eens 'n baie lekker kuieraand vol vermaak te wees.

Die gemeentefees vind die volgende dag, Saterdag 17 April op dieselfde terrein plaas. Meer inligting hieroor sal binnekort in die Advertiser gepubliseer word.