Die Superrugbyreeks begin

Ons het Mosselbaaiers gevra of hulle na die Superrugby, wat môre begin, uitsien.

Foto's, onderhoude: Linda Sparg JACO MÖLLER: “Ek is nie eintlik ‘n rugbymens nie. Ek werk die naweek en sal op pad Beaufort-Wes toe wees, maar ek sal oor die radio daarna luister.” BRENDA JANSEN: “My man hou van rugby. Hy is ‘n WP en Nieu-Seelandondersteuner. Hy sal sekerlik kyk. Ek weet nie wie gaan speel nie, maar ek sal ook kyk.” DEON VAN APPEL: “Ek kyk net krieket. Ek stel nie baie in rugby belang nie. Ons SA rugby is so treurig op die oomblik, maar ek is vol hoop vir die krieket.” DANIEL BOTHA: “Ek gaan kyk. Ek hou van rugby. Ek ondersteun Suid-Afrika.” DRIAAN FOURIE: “Ek kyk glad nie rugby nie. Ek hou van stoei. John Cena is my gunsteling.”