Groot Brak-rolbal
Groot Brak-rolbal het al sy uitblinkers van die afgelope seisoen tydens 'n byeenkoms by die klubhuis met trofeë en toekennings vereer.
Die bekroondes het deurgaans hard gewerk en nougeset geoefen om die onderskeie kompetisies te buit.
By elke klub, soos ook by Groot Brakrolbal, is daar altyd 'n paar strydosse wat nie in die kalklig is omdat hulle kompetisies wen nie, maar altyd bereid is om die ekstra myl te loop. So 'n persoon is Peter Crawford wat vereer is vir sy toewyding en geesdrif in belang van die klub. Hy het die Arthur Purchase-trofee ontvang.
Hannes Bruwer, wat wat ook lid was van die Eden-seniorspan, is as speler van die jaar vereer.
Pryswenners
Beginners: Sollie Schreuder (mans) en Shirley van Straayen (vroue).
Enkels: Anne-Marie Jonker (vroue) en Ashley Krauspe (mans).
Manspare: Floris Brand en Johan Pretorius.
Vrouepare: Joey Buitendag en Rosa van der Merwe.
Gemengde pare: Danie le Grange en AnneMarie Jonker.
Gemengde driespel: Rosa van der Merwe, Anne-Marie Jonker en Ashley Krauspe,
Gemengde vierspel: Ashley Krauspe, Petro van der Walt, Johan Pretorius en Gerhard de Villiers.