Skuts vertoon goed in hitte

Goeie tellings op 'n snikhete Woensdag is tydens die gereelde skietoefening deur Suzette Herrer en Danie le Roux opgestel.

Suzette het die bordjies Woensdag verhang en vir Danie met 'n enkele punt geklop. Suzette se 97/100 was van topgehalte.

Dit was 'n baie warm oggend en Ounooi Bock en Gert Nel het ook baie goed geskiet terwyl Samson Tshoto se 85/100 net so goed was.

Beste tellings van die dag was: 1. Suzette; 2. Danie; 3. Ounooi; 4. Gert; 5. Samson; 6. Rob Cumming.

Twee van die klub se staatmakers kon weens mediese redes nie deelneem nie. Johan Kemp het 'n oogoperasie ondergaan terwyl Eugene Barnard chemo-behandeling in 'n hospitaal ontvang. Die vertroue word uitgespreek dat hulle oor 14 dae weer by die skietoefening sal wees.