SWD Tweekamp sê dankie
SWD Tweekamp-bestuur, skryf:
‘n Baie suksesvolle byeenkoms is agter die rug en dit is vir SWD Tweekamp ‘n opregte begeerte om dankie te sê aan ons borge, donateurs, vennote en weldoeners sonder die insette van hierdie groep mense is byeenkomste van hierdie gehalte net nie moontlik nie.
Net ter agtergrond:
• Dit was die grootste byeenkoms in 27 jaar – 542 atlete het ingeskryf;
• Dit is naas die SA kampioenskap die grootste tweekampbyeenkoms in Suid-Afrika;
• 8 byeenkomsrekords en 2 SA rekords is verbeter;
• Die prystuidelingsfunksie is deur 472 persone bygewoon;
• Dié byeenkoms het ongelooflike media en radiodekking (ook direkte uitsending) geniet;
• Die Wes-Kaapse minister van kultuursake en sport was een van die eregaste - so ook die uitvoerende burgemeester van Oudtshoorn, vise-president van SA Tweekamp, die voorsitter van Eden-sportraad en verskeie ander top sportpersoonlikhede en -administrateurs;
• Nagenoeg 2 000 ouers van buite Oudtshoorn het die dorp besoek en rofweg R3,4m (teen aanvaarde R850/persoon/nag) in die plaaslike ekonomie ingepomp!
• Ongelooflike terugvoering van baie persone het al ingestroom - en word deur kenners benadruk dat elke Highgate byeenkoms net ‘n hoër standaard daarstel.
In die besonder wil SWD Tweekamp net al ons media bedank vir hulle bydrae ten opsigte van die ontwikkeling van tweekamp in die SWD. Daar is nêrens in die WesKaap ‘n media en sportgemeenskap wat beter saamwerk nie. Dit was weereens lekker om saam met julle te werk. Dit alles sou nie sonder u ondersteuning en hulp moontlik wees nie - baie dankie. Ons hoop dat hierdie gesonde verhouding tussen SWD Tweekamp en sy borge, donateurs, vennote en weldoeners nog lank gekoester sal word.
“We cannot seek achievement for ourselves and forget about progress and prosperity for our community... Our ambitions must be broad enough to include the aspirations and needs of others, for their sakes and for our own.” - Cesar Chavez
SWD Tweekamp wens u ‘n wonderlike 2018 toe!