André se nuwe wiele

Hy geniet sy rolstoel so baie, dat hy sommer daarmee huis toe wil ry.

Dít is die woorde André Olivier, die dankbare begunstigde wat ‘n rolstoel ontvang het danksy die Broodknippieprojek. Verlede Dinsdag, 27 Maart het André sy rolstoel ontvang.

As gevolg van diepaartrombose in sy linkerbeen, waarmee hy jarelank reeds sukkel, word André se beweeglikheid ernstig geaffekteer. Vanweë sy siektetoestand, is amputasie waarskynlik sy volgende stap. "Ek bedryf 'n tweedehandse boekwinkeltjie in Fraaiuitsig en het totdat ek die rolstoel ontvang het, met krukke oor die weg moes kom. Omdat my hande nie los kon wees nie, het ek baie gesukkel."

André het deur middel van 'n vriendin verneem van dienste wat plaaslik aan persone met gestremdhede gebied word. Nadat sy vriendin die Mosselbaaimunisipaliteit se kantoor vir gestremdheid, geslagsake en MIV/VIGS besoek het, is daar werk gemaak van sy situasie. Danksy die amptenare werksaam by die kantoor se toetrede, het André besoek ontvang van Elsé Kritzinger, arbeidsterapeut by die departement van gesondheid en is hy ingelig oor sy opsies en watter dienste die staat hom kan bied.

Na 'n assessering, was dit duidelik dat André ook kwalifiseer vir 'n rolstoel wat toe deur die munisipaliteit aan hom geskenk is.

"Ek kan nie genoeg dankie sê nie," het André telefonies aan die Mossel Bay Advertiser gesê. As 'n blyk van waardering, het hy nou ook 'n broodknippiehouer in sy winkel en moedig hy almal in die Fraaiuitsig-omgewing aan om hulle ingesamelde knippies te kom aflewer by Old News Bookshop, Pick n Paysentrum in Brinkleystraat, Fraaiuitsig.

Vir elke 50kg broodknippies word 'n rolstoel deur Interwaste bewillig.

Daar is tans nog vyf rolstoele beskikbaar vir toekenning. Persone wat sodanige behoefte het kan 'n e-pos stuur na akritzinger@mosselbay.gov.za

Persone sal eers verwys word vir evaluasie om seker te maak of die rolstoele toegeken, wel geskik vir hulle behoeftes sal wees.

Begunstigdes is self verantwoordelik vir die instandhouding van die rolstoel en mag eenmalig aanspraak maak op 'n skenking.

As ‘n blyk van waardering, het hy nou ook ‘n broodknippie-houer in sy winkel.

André Olivier glimlag breed oor sy nuwe mobiliteit. Diepaartrombose beperk sy beweeglikheid maar danksy die Broodknippieprojek, kan hy nou weer laat waai. Hier is hy saam met Sharlyn Pietersen (student), Alma Kritzinger (munisipale beampte vir...