GEBEURE / HAPPENINGS
ISAK BURGER BY CHARISMA AGS
Die president van die AGS van SuidAfrika, dr Isak Burger is die gasprediker by die AGS Charisma op Sondag, 8 April. Die byeenkoms begin om 10:00. Die gemeente is gelee in Kamassiestraat, Hartenbos.
SPESIALE REEKS OOR GESINSLEWE
Pastoor Ockie Taylor van die AGS Souteria tree Sondag, 8 April en ook op
15 April by die AGS Greenhaven op as gasprediker. Pastoor Taylor se boodskap handel oor gesonde gesinslewe en is geskoei op die beginsel "families who pray together, stay together". Die byeenkomstye vir beide Sondae is 09:00. Vir navrae, kontak past Leon Prinsloo (082 458 5430).
TUINBOUKLUBBYEENKOMS
Die volgende byeenkoms van die Midbraktuinbouklub vind op 9 April plaas. "Ons vertrek om 09:35 vanaf De Dekke en besoek 'n pragtige tuin in Mossieneslaan, Groot-Brakrivier. Daarna word daar 'n draai by die Groot Peperboom by die Kuns Ateljee gemaak en gaan ons meer hoor van Wurmkompos." Bring hoede, stoele en 'n bekertjie en geniet die oggend saam. Vir navrae kontak Magda Ryksen (044 620 2930 / 072 374 2002).
DAMESVRIENDSKAPSKLUB VERGADER
Die Midbrak-damesvriendskapsklub vergader op Woensdag, 11 April om 10:00 by die Searle Restaurant op Groot-Brakrivier. Corrie Niehaus van 'n begrafnisonderneming sal met die vroue gesels oor wat presies hierdie tipe beroep behels. Vir navrae, kontak Margeret Huysamen (083 292 7369) of Petro Tredoux (060 754 7620).
ALZHEIMER'S GROUP
The next meeting of the Mossel Bay Alzheimer's Disease Support Group will take place on Thursday, 12 April at 15:00 at Santos Haven 1 in Heiderand. Hester Bosman will speak about the Rose Cup, which is a feeding utensil used for those suffering from Alzheimer's, dementia and other disabilities. The cup helps to make feeding time easier and provides for safer swallowing. It was designed by Dr Gawie Roux. For more information contact Maria van Staden (044 698 1509).
ST BLAIZE-NAALDWERKGILDE VERGADER
Die St Blaize-naaldwerkgilde vergader op Vrydag, 13 April om 09:00 in die Hartenbosbiblioteeksaal. Alta Rost en haar gasvroue beplan 'n oggend vol verrassings en 'n heerlike saamkuier. "Sien julle almal daar, kom ontspan na die skoolvakansie."
DANA BAY RESIDENTS' / CONSERVANCY AGM
An AGM of the Dana Bay Conservancy Residents' Association takes place on Wednesday, 18 April at 18:00 in the Dana Bay Community Hall with the sole purpose of electing a legal committee to take the association into the future. A copy of the constitution can be read at the Japie Krige property agent office in Dana Bay.
MAYFLOWER-KRIEKETKLUB HOU AJV
Die algemene jaarvergadering van Mayflower-krieketklub vind op 27 April om 12:00 in hul klubhuis in Langstraat plaas. Slegs bona fide-lede van die klub, dit wil sê persone wat se ledegelde is vir die jaar betaal is, sal stemreg hê. Ander belangstellendes is egter welkom om ook die vergadering bywoon en aan die besprekings deel te neem. Vir navrae kontak die sekretaris (076 801 5423).
TEELEPEL-BUFFETETE
Die ACVV Kenani-dienssentrum bied weer ‘n teelepeltjie-ete aan op Sondag, 13 Mei om 12:00. Kostes beloop R90 per persoon. Kom geniet ‘n ete enig in soort. Jy mag net met ‘n teelepeltjie inskep, maar skep soveel keer jy wil. Daar is ‘n groot verskeidenheid geregte om van te kies en te keur. Neem eie drinkgoed saam. Kontak Susan Boshoff (044 690 3794) of Mariana Lategan (044 690 3204) om te bespreek.