Tweekampatlete puik by SA’s Die medaljewenners is:
Altesame 537 atlete van 14 provinsies het in Pretoria aan die 43ste Sport Warehouse SuidAfrikaanse tweekampkampioenskappe deelgeneem.
Die SWD-span van 66 lede het met drie goue, twee silwer- en een bronsmedalje teruggekeer. Die junior span was algeheel vierde. Die WP het Gauteng-Noord naelskraap geklop om weer as die Suid-Afrikaanse kampioen gekroon te word met Boland derde en SWD sesde.
En om die kroon te span, het die Kwaggas die hoërskole-kompetisie gewen om as Suid-Afrika se toptweekampskool gekroon te word.
Laerskool Knysna het ook goed gepresteer en 'n vierde plek in die laerskolekompetisie behaal.
Matthew van Coller: goud S/13 (2 404 punte); Gustav Schlechter: goud S/17 (2 367); Minke Janse van Rensburg: goud S/N (3 091); Ruben Gouws: silwer S/9 (2 461); Johan Windt: silwer meesters (2 412); Lara Schlechter: brons M/19 (2 381).
Ander puik prestasies is gelewer deur:
Karli Lotter 4de M/9 (2 360); Jade Borrett 5de M/17 (2 274); Zhane Vorster 5de M/19 (2 236); André Kleynhans 6de S/19 (2 246); Eddie Lutsch 7de meesters (2 073); Chris van Wyk 8ste veterane (2 344); Marius Schlechter 8ste snr veterane (2 195); Lume Gouws 8ste M/11 (2 353).
Op die algemene jaarvergadering van SWD-tweekamp is die naamsverandering goedgekeur en dit sal nou as Eden-tweekamp bekendstaan.
Die SWD-voorsitter, Stephnie Mckay, is ook as 'n nasionale keurder verkies. Die 2020 SuidAfrikaanse kampioenskappe is ook aan Oudtshoorn toegeken.
Seuns o/17 en o/19 en seniors sal in die toekoms ook 1 600m in stede van 2 000m hardloop. Die 2019 Suid-Afrikaanse kampioenskappe sal in Port Elizabeth plaasvind.