André de Jager kraai koning
Die jaarlikse Mosselbaai Merino-kuddedag wat vanjaar vir die 40ste keer aangebied was, was weer eens ‘n groot sukses en maak hom nou ook een van die oudste kuddekompetisies in die land.
Wat ‘n wonderlike prestasie vir hierdie streek en sy skaapboere om onder moeilike omstandighede hierdie dag so goed te ondersteun.
André de Jager van Swartklip, Albertinia is die algehele wenner van die dag en spog ook met drie ander wenposisies. Die dag is deur BKB in samewerking met die NWKV gereël wat ook die boere van die nuutste inligting rakende sy skaapboerdery om sy maksimum potensiaal te bereik, voorsien het.
Daar was vanjaar 11 deelnemers van regoor die streek wat hul kuddes geëvalueer het en weer eens was die ooie van hoogstaande kwaliteit ten spyte van groot droogte in die streek.
Die ooie is deur Gawie van Wyk van die NWKV Carnarvon beoordeel wat hom weer eens goed van sy taak gekwyt terwyl Jannie Fourie van NWKV Caledon die punte se verwerking gedoen het.
André Fourie van Voermol was die gasspreker tydens die aand se funksie en het gepraat oor presisie skaapboerdery en die groot vyf bespreek naamlik: teeling, kudde statisieke, weiding, voeding en reproduksie, wat ook baie interessant was.
Pieter Aucamp (BKB skaap en wol adviseer), Bennie Pienaar (voorsitter), Hennie Senekal (BKB lewende hawe) en Hans Schutte (BKB lewende hawe) het gehelp met die reëlings om van die dag ‘n groot sukses te maak.
Die dag is afgesluit met ’n prysuitdeling en ‘n heerlike spitbraai (dankie Hennie) wat almal baie geniet het.
Die wenners is soos volg:
Algehele wenner
1. André de Jager (Swartklip, Albertinia); 2. Willie Oosthuizen (Môreson, Albertinia) en Gus du Toit (Grootfontein, Herold).
Beste wol
1. André de Jager (Swartklip, Albertinia); 2. Willie Oosthuizen (Môreson, Albertinia) en Gus du Toit (Grootfontein, Herold).
Beste ooi
1. André de Jager (Swartklip, Albertinia); 2. Gus du Toit (Grootfontein, Herold).
Beste bouvorm
1. André de Jager (Swartklip, Albertinia); 2. Willie Oosthuizen (Môreson, Albertinia) en Gus du Toit (Grootfontein, Herold).
Beste vordering
1. Gawie van Deventer (Klipfontein, Albertinia); 2. Quintus Muller (Patrysfontein, Mosselbaai).
Wenner 300 – 500 ooie
1. Louise Muller (Ouland, Mosselbaai); 2. Stoffel Fivaz (Voëlvlei, Johnsons Post).
Beste kortwolgroep
1. Willie Oosthuizen (Môreson, Albertinia);
2. Corneulis Muller (Hagelkraal, Hartenbos).
Die organiseerders bedank al die borge, deelnemers en persone wat betrokke was wat gehelp het om hierdie dag so groot sukses te maak.
"Julle betrokkenheid en positiewe gesindheid word opreg waardeer en is dit wat maak dat hierdie Merino-kuddedag elke jaar net beter word."