Nuwe veilingshuis vir die Suid-Kaap
Die nuwe veilingshuis, Bekker Afslaers, wat onlangs in George geopen het, is hier om te bly.
Bekker Afslaers is in die hart van die Tuinroete geleë en slaggereed om professionele veilings, eiendomsmakelary en professionele waardasiedienste aan kliënte regoor die SuidKaap te bied.
Bekker Afslaers sal veilings van eiendom (residensiële, kommersiële, industriële en plase), voertuie, konstruksietoerusting, plaaswerktuie en lewende hawe, spyseniering, antieke meubels en ander besittings hanteer.
Bekker Afslaers sal ook vryskut afslaerdienste en liefdadigheidsveilings aanbied.
Eienaar en afslaer van Bekker Afslaers, Frederick Bekker, sê Bekker Afslaers bied 'n gespesialiseerde diens. "Hoewel ons spesialiseer in veilings, bied ons ook kliënte die opsie om eiendom by ons eiendomsmakelary te lys, indien hulle nie die veilingsroete wil volg nie; asook eiendoms en roerende eiendom waardasiedienste. Ons streef om 'n professionele diens met 'n persoonlike aanslag aan ons kliënte te bied," sê Bekker.
Bekker is passievol oor veilings. Hy woon die afgelope 11 jaar in George en is 'n bekende afslaer in die SuidKaap met agt jaar ondervinding.
Bekker Afslaers bied ook professionele waardasiedienste aan kliënte met waardeerders wat by die South African Council for the Property Valuers Profession (SACPVP) geregistreer is en aangestel is as geswore waardeerders deur die meester van die hooggeregshof.
Kontak Bekker Afslaers vir al u veilings-, eiendoms- en waardasiebehoeftes. Om op hulle databasis te registreer, kontak Frederick by 066 247 1374//044 518 0977 of stuur 'n e-pos aan fred@bekkergroup. co.za of besoek hul webwerf www. bekkergroup.co.za. Bekker Afslaers is by York House, Davidsonweg 4, in George geleë.