Wat is plan B vir Suid-Afrika?
Dis 'n vraag wat op talle Suid Afrikaners se lippe en in die gemoed is en dr Frans Cronje, die hoof van die Suid-Afrikaanse Instituut vir Rasseverhoudinge, gaan eersdaags probeer om hierdie en ander kommervrae te antwoord.
Dr Frans werk nou saam met 25 kollegas en vorm 'n dinkskrum waar hulle ekonomiese neigings volg, eerstehandse politieke beleid volg en dan op grond van meningspeilings, hul siening onthul. Die volgende vrae word gereeld gevra:
- Wat is die huidige situasie in Suid-Afrika?
- Wat is die oorsaak van die huidige stand van sake?
- Wat hou die toekoms in? Die groot vraag is WAT NOU? En dit is juis wat dr Frans en sy medespreker,
Sihle Ngobese (Hoof Strategiese Operasies) gaan probeer antwoord tydens hulle optrede op 18 Oktober by die Bravo Lounge Garden Route Casino in Mosselbaai. Die geleentheid vind plaas op uitnodiging van die Afriforum Mosselbaai-tak. Praktiese en realistiese riglyne en inligting soos wat gaan gebeur met jou en jou gesin, toegang tot skole, werkverskaffingsgeleenthede, grondonteiening, bate bestuur en vele meer sal gebied word. Dr Frans het die hoop uitgespreek dat almal wat die geleenthede gaan bywoon, ingelig en met ‘n beter begrip sal uitstap om gebalanseerde besluite te kan neem.
Dr Frans het die hoop uitgespreek dat almal wat die geleenthede gaan bywoon, ingelig en met ‘n beter begrip sal uitstap