‘Maak beste van laaste skooleksamen’
"Op een of ander tyd kom elkeen van ons voor 'n keuse wat lewensnoodsaaklik is en ons lewenspad kan verander. Julle, die matriekklas van 2018 is tans weens die naderende matriek-eindeksamen voor so 'n keuse," sê Mosselbaai se uitvoerende burgemeester, raadsheer
Harry Levendal.
"Ons besef die senuwees knaag. Ons as volwassenes was ook daar deur. Ons weet daar is heelwat druk en verwagtinge, daar is familie- en ouertrots. Watter ouer en familielid sal dan nie trots wees op 'n leerder wat die eksamen suksesvol aflê nie?
"Tóg, besef altyd dat jy die laaste eksamen van jou skoolloopbaan, jou matriekeksamen vir die beswil van jou eie toekoms aflê. Sê dit vir jouself in die spieël - omdat jy trots op jouself is, omdat jy respek vir jouself het, omdat jy weet dat matriek die begin van iets groots vir jouself is.
Besef dat jy alles moet insit terwyl daar genoeg tyd is om niemand anders as net jouself tevrede te stel nie. Elke opoffering is 'n stap wat jou toekoms sal vorm.
Namens die Mosselbaai munisipale raad wens ek elke matrikulant sterkte en gerusstelling toe. Elkeen van julle is van die bestes wat getaak is deur jul eksamenuitslae ons dorp se naam hoog te hou.
"Leer dit, onthou dit, geniet dit en skryf dit, want jy het dit."