Puik jaar vir haker
Dan Jooste, haker vir onder meer die junior Springbokke het 'n skitter rugbyseisoen beleef. Hy het in Junie vanjaar Suid-Afrika verteenwoordig by die o/20 Wêreldkampioenskap wat in Frankryk plaasgevind het. Die junior Springbokke het tweede in die kompetisie geëindig, nadat hulle met 'n enkele punt teen 'n gedugte Engelse span verloor het. Dan het behoorlik sy staal gewys, deur in die eindstryd te speel met geskeurde ribkraakbeen.
Vir dié jong Bokke was om hulle aartsvyande, die Nieu-Seelandse span te klop so goed soos om gou te wen, is by wonde van Dan se trotse pa, David, na afloop van die kampioenskap in die Mossel Bay Advertiser berig (Hakers maak Mosselbaai trots, 22 Junie 2018).
Kort hierna, is Dan se span van die Universiteit Stellenbosch bekroon as die wenners van die SA Universiteitskampioenskap.
Dan sluit sy suksesvolle jaar af met 'n spogtitel nadat hy benoem is as Maties se Junior rugbyspeler vir 2018 tydens 'n spoggeleentheid verlede Vrydag, 12 Oktober. Al die junior Springbokke verbonde aan die Universiteit Stellenbosch het ook hulle volle universiteitskleure ontvang. Dan was voorheen 'n leerder aan beide Milkwood Primary en Laerskool Park. Hierna was hy by Hoër Landbouskool Oakdale en het matriek voltooi aan die Hoër Jongenskool Paarl.