99 kersies vir Myra
Tannie Myra Naude het 'n vrolike partytjie gehad toe sy op Vrydag, 19 Oktober haar 99ste verjaarsdag gevier het. Getooi in sagte pers, het dié oud-inwoner van De Doorns van oor tot oor geglimlag soos die gaste opgedaag het by die Groenkloof-aftreeoord in GrootBrakrivier om haar geluk te wens met die mylpaal.
Versekie raadslede onder meer die onderburgemeester, raadslid Dirk Kotzé, die speaker van die Mosselbaai munisipale raad, raadsheer Petru Terblanche en raadslid Annatjie Janse van Rensburg, het die geselligheid bygewoon. Tannie Myra het sommer maklik ingestem vir die fotonemery en het ewe skertsend gesê sy het in 1938 laas in die koerant verskyn. Haar seun, dogter en skoonseun en skoondogter het die aftreeoord bedank vir hulle besonderse versorging.