Brand blitsig geblus
Nooddienste en die polisie se blitsige optrede het verhoed dat 'n brand by 'n duikkloppersonderneming in Voorbaai groot skade aangerig het.
Die brand het omstreeks 14:00 op Donderdag, 18 Oktober by die werkswinkelarea van CBS Body Works ontstaan toe spuitverf vermoedelik vlam gevat het. Volgens Wimpie Germishuys, eienaar van die onderneming het sy personeel blitsig opgetree en met brandblussers die vlamme begin blus, terwyl hulle vir die nooddienste gewag het.
Die nooddienste was binne minute op die toneel en het dit beveilig. Van die personeel is op die toneel medies ondersoek, maar geen ernstige beserings is aangemeld nie.
Polisiewoordvoerder, kapt Wollie Fourie, het aan die Mossel Bay Advertiser gesê dat die polisie nie die saak ondersoek nie. "Dit wil voorkom asof die brand bloot 'n ongeluk was."