Vidamed brei dienste uit
Vidamed is sedert Januarie 2015 deel van Mosselbaai en bied mediese versorging aan die Suid-Kaap omgewing.
Vidamed is ‘n moderne privaat hospitaal waar dagprosedures en sub-akute sorg onder een dak aan pasiënte gebied word. Verder bied Vidamed ook ‘n apteek op die perseel waar pasiënte hulle medikasie voor ontslag kan kry en dus hulle hopitaalvoordeel ten volle kan benut.
Die daghospitaal bestaan uit 20 beddens en twee moderne, goed toegeruste teaters waar die meeste dagprosedures gedoen kan word. Dagprosedures wat in ‘n daghospitaal gedoen word is koste-effektief en kan besparings tot soveel as 22% behaal soos in ‘n onlangse artikel in die Healthy Times gepubliseer is.
Vidamed het die bestaande diens verder uitgebrei met die onlangse aankoop van die gastro- en kolonoskooptoerusting.
Vidamed sub-akuut met 15 beddens bied 24 uur mediese versorging en rehabilitasie na groot operasies of beroertes.
Deeglike beplanning en sorg word gedoen deur die multidissiplinêre span ten einde spoedige herstel vir pasiënte te bewerkstellig. Die multidissiplinêre span bestaan uit ‘n mediese dokter wat daagliks besoeke doen, ‘n arbeidsterapeut, ‘n spraakterapeut, fisioterapeute, ‘n maatskaplike werker en dieëtkundige wat weekliks vergader waar elke pasiënt se behoeftes bespreek en versorging beplan word.
Vir beide opnames in die sub-akuut sowel as by die daghospitaal moet ‘n pasiënt deur ‘n dokter verwys word.
Vidamed is geregistreer by alle mediese fondse, maar neem ook privaat pasiënte in.
Vidamed is in Alhofrylaan, Mosselbaai geleë en hulle kontakbesonderhede is 044 690 3402 / 044 690 3472 of www.vidamed.co.za en
info@vidamed.co.za
Vidamed het die bestaande diens verder uitgebrei met die onlangse aankoop van die gastro- en kolonoskooptoerusting.