Huurhuise nie bekostigbaar nie
Alet van Rensburg, skryf:
Ek verstaan nie wat mense moet doen wat nie huise kan bekostig om te koop nie.
Ons gesin verdien 'n redelike goeie inkomste maar die huurpryse vanaf Groot Brak na Mosselbaai is belaglik.
Jy kan bloot nie 'n ordentlike drieslaapkamerhuis kry vir onder R10 000 per maand nie. Waarvan moet ons dan leef? Daar is net geen genade nie en niemand laat enige troeteldiere toe nie. Sommige is self sku vir kinders.
Ons sit met ons hande in die hare en oorweeg dit om te trek omdat dit nie lyk of daar ooit bekostigbare behuising vir mense soos ons op Mosselbaai sal wees nie.
Dit is regtig 'n skande dat daar soveel vir huurhuise gevra word terwyl Mosselbaai nie juis bekend is vir astronomiese salarisse nie. Ag nee Mosselbaai, kom ons maak 'n plan.