Curro se sportsterre word vereer

Curro Mosselbaai se sport het vanjaar besondere groei getoon met 28 provinsiale prestasies in die Hoërskool.

Mihlali Gxavu se opname in die SWD o/18-Cravenweekspan het soveel belangstelling gelok dat daar volgende jaar ‘n junior rugbyspan sal wees. Verder het die leerders se prestasies in hokkie, atletiek, fietsry, skaak, skiet, tweekamp en driekamp bewys dat Curro goed met die beste skole vergelyk.

Anlo Ferreira en Zané Kruger is aangewys as die beste seuns- en meisiesatlete. Linél Engelbrecht en Anlo Ferreira het die trofeë ontvangs vir die beste prestasie deur ‘n meisie en ‘n seun in sport wat buite skoolverband aangebied word.

Herman Spies en Zané Kruger het trofeë ontvangs vir die beste prestasies in skoolsport deur junior seuns en meisies terwyl Damien Hyman die trofee ontvang het vir die beste prestasie deur ‘n senior seun in skoolsport. Die trofee vir die beste prestasie in skoolsport deur ‘n senior meisie word gedeel deur Liandré Schoeman en Sarah Viljoen.

Anlo Ferreira en Linél Engelbrect is ook aangewys as 2018 se sportman en -vrou van die jaar.

Die trofee vir die beste prestasie in skoolsport deur senior meisies word gedeel deur Liandré Schoeman en Sarah Viljoen.

Anlo Ferreira is Curro se sportman van die jaar.

Linél Engelbrecht is aangewys as die sportvrou vir 2018.

Damien Hyman het die trofee ontvang vir die beste prestasie deur ‘n senior seun in skoolsport.

Zané Kruger het trofeë ontvang vir die beste prestasies in skoolsport deur junior seuns en meisies.