Netbal-afrigters leer heelwat by sportlegendes

Die netbalafrigters van Hoërskool Punt het die afgelope naweek (12 en 13 Oktober) ‘n netbalkursus bygewoon wat deur legendes van Suid-Afrikaanse netbal aangebied is.

Amanda Mynhart is die Proteas se suksesvolle kaptein. Sy het twee jaar vir NieuSeeland gespeel en is deel van hul paneel van afrigters. Elize Kotze is die afgelope 10 jaar die Protea-afrigter.

Rese Hugo is 'n voormalige Protea-speler en Patrys Basson het haar staal in die doelposisie in die Protea-span gewys.

Die kursus is by die Elandsrus Lodge buite Beaufort-Wes aangebied.

Punt se afrigters gaan hierdie kennis gebruik om die skool se netbal nog beter te maak.

Netbal-afrigting saam met die bekendes is van links, agter: E Nel (Punt), Amanda Mynhart, Elize Kotze, Rese Hugo, Patrys van der Merwe en R Bezuidenhout (Punt). Voorr: K van den Berg (Punt) en J van der Merwe (Punt).