Spogvertoning deur Da Gamaskopsone se lede

Polisielede verbonde aan die Da Gamaskop-polisiëringsone het besonder goed gevaar tydens die pas afgelope 28ste jaarlikse SA Polisie nasionale kampioenskap waar lede in verskeie karatekodes teen mekaar meegeding het.

Da Gamaskop se lede spog met ses goue, twee silwer- en drie bronsmedaljes.

Sersant Williams spog met 'n goue medalje in Jiu jitsu asook die trofee vir die beste manlike Jiu Jitsu 2018. Hy is aangewys as die nasionale verteenwoordiger vir skopbox (kickboxing) in die SA Polisie en het ook die toekenning verwerf as administrateur van die jaar 2018.

KwaNonqaba-polisie se sers Jaftha het 'n silwermedalje verower vir die individuele kata en 'n bronsmedalje vir unison. Sy eggenoot, Rozen, ook 'n polisielid het 'n goue medalje verwerf vir die kata asook 'n verdere goue medalje vir die unison-kata. Sy spog ook met 'n silwermedalje vir kumite. Daarenteen het ao Lourens 'n bronsmedalje gewen vir kumite en kan sers Van Vuuren met benewens 'n bronsmedalje in kumite, ook 'n goue medalje in unisonkata spog. Sersant Henry Jaftha spog na afloop van die kampioenskappe met twee goue en 'n bronsmedalje.

Sersant Williams is aangewys as die nasionale verteenwoordiger vir skopbox (kickboxing) in die SA Polisie.

Sersant A Jaftha van KwaNonqaba se polisiestasie, saam met kollegaa sers CC Williams van Barrydale sers Jansen van Vuuren van Swellendam, kst R Jaftha van Da Gamaskop se polisiestasie, sers H Jaftha van Stillbaai en ao Lourens van Suurbraak.