Gholfgrootkampioen ‘val uit die lug’
'n Grootkampioen van die jaar se houespelkampioene word nie sommer agter elke bos uitgeskop nie, maar die vroue se veroweraar van die gesogte titel kan wel uit die lug val. 'n Paar volmane terug het Gloria Greyvenstein so getuimel en haar enkel ernstig beseer het sodat sy 'n hele ruk gekortwiek was om gholf te speel. Desondanks en nieteenstaande dit alles het sy pas dié veeleisendste van alle klubgholfkompetisies gewen.
Nog 'n speler wat 'n stywe kloppie op haar (let wel tagtigjarige) skouer verdien, is Drini Kühn. Met haar oorwinning in die bronsafdeling is sy 'n opbeurende voorbeeld van oud, maar nie koud. Ineke Botes verdien beslis ook applous. Sy het met 'n uitstekende brutotelling van 93 en 'n netto-telling van 73 teen Drini met 'n uittel verloor. Met die onlangse Gloria Cup kompetisie op George het sy vanaf 'n verlaagde voorgee omdat sy in die A-afdeling moes instaan, haar teenstaander gefnuik. Net verlede maand het sy op haar tuisbaan vanaf die blou bowwe vier onder haar voorgee gespeel.
Die volledige uitslae in die verskillende afdelings is soos volg:
Silwer: 1. Gloria Greyvenstein (10 voorgee) netto-telling 73; 2. Ina Swart (15.4) 76;
Brons: 1. Drini Kühn (vg 25.2) 73 met 'n uittel teen Ineke Botes (19.5) 73: Koper: Mariaan Hadiaris (28.1) 84. Die prys vir die minste sette (29) is gedeel deur Christe Mari Meyer, Shirley Greig en Cynthia Zietsman. Christe Mari was ook naaste aan die vlag op nommer 4. Dit moet gemeld word dat die gholfstryd en die temperatuur soms so hetig was dat 'n riemtelegram deur 'n ongetoetste ooggetuie oor 'n spelersekondeslank-in-semi-ontkleding na slegs die eerste putjie, wyd inslag gevind het.