VLV besoek Friemersheim
Die VLV-Herbertsdale het op Dinsdag, 23 Oktober Groot-Brakrivier se Fragranceroete van nader gaan bekyk. Hulle het eerste om 09:00 by Brother’s Coffee Roastery gestop. Daar het die lede alles, van die groen koffieboon tot by die finale, gemaalde produk geleer. Met ‘n demonstrasie is hulle gewys hoe om die perfekte koffie te maak. Na die demonstrasie het elke lid 'n heerlike cappuccino gedrink.
Daarna het die lede na die Verenigende Gereformeerde Kerk op Friemersheim vertrek. "Ons twee gidse, Sharon en Mariaan het die geskiedenis van die dorpie vertel. Die dorpie het in 1869 begin toe ds Johann Kretzen ‘n skrynwerker wat sendeling geword het ‘n skool en ‘n kerk gebou het op die helfte van die plaas Gonnakraal wat hy vir sy suster gekoop het," sê VLV-lid Sharon.
Die dorpie se naam is later verander (1870) en die naam Friemersheim kom van die dorp Freimersheim in Duitsland waar Kretzen gebore is, en beteken Free Home.
Die lede het toe vertrek na die kleuterskool op Friemersheim waar Christine Terblance hulle toegespreek het. Natuurlik is 'n besoek aan die dorp nie dieselfde as inwoners nie Hester se tuin besoek nie en die lede het hulle aan die koeldrankbottels vol gekleurde water wat die tuin vrolik maak verkyk.
Cyntie se naaldwerkwinkel spesialiseer in die maak van produkte van shweshwemateriaal, voorskote vir groot en klein, vatlappe, kinderoorpakke en meer. Petra se laventelkwekery is ook besoek en die lede het daarna middagete by 'n nabygeleë restaurant geniet.
Vir navrae kontak Sharon (072 652 7829).