Jukskeispanne onderskei hulself

Hartenbos en Ruiterbos se jukskeipanne het die twee ligas van die Kobus Boshoffjukskeitoernooi in George, waarin gekompeteer is, gewen.

Die toernooi het Saterdag, 3 November plaasgevind.

Die Kobus Boshoff-jukskeitoernooi word jaarliks aangebied. Kobus Boshoff was 'n legende in eie reg.

Hy het Springbokkleure (deesdae SA kleure) in jukskei verwerf.

Benewens voormelde het hy ook die SA Meesters en SA Veterane met onderskeiding gedien. In die SWD van vroeër (deesdae Eden Jukskeifederasie) het hy vir baie jare die presidentskap beklee. Aan sy sy was sy eggenote, Annatjie Boshoff, ook 'n jukskeispeler van faam, onder andere 'n Springbok (SA-speler) en vrouemeester.

Slegs vier B- en vyf C-spanne het vir Saterdag se toernooi ingeskryf. Geen A-spanne het ingeskryf nie. Die spelers was van Riversdal, Mosselbaai, Hartenbos, Ruiterbos en George. 'n Opflikkering in jukskei is die enkele spelers (skoolleerders) van die Laerskool Ruiterbos wat in die C-afdeling deelgeneem het. Onder leiding van Bossie Boshoff wat afrigting by die Laerskool Ruiterbos doen asook met die hulp van Tap van der Schyff ('n speler van Danabaai) het Ruiterbos se Alfredo Simpson, Wilmar Kammies en Lucretia Moccoerag die C-afdeling oorheers en met 1½ punte bo Hartenbos C as die wenners geëindig.

Daar was geen weghol oorwinnings nie. Die finale uitslae is (punte in hakies): B-spanne: Hartenbos B (59½); Riversdal B1 (49½); Riversdal B2 (33½); George B (2½).

C-spanne: Ruiterbos (37½); Hartenbos (36); Riversdal (32); George (22½); Mosselbaai (22).

Woensdag het aan Eugene Barnard behoort. Eugene het tydens die skietoefening ‘n voltal behaal en ook vir Suzette Herrer pak gegee. Dit was die klub se eerste voltal in ‘n langtyd. Samson Tshoto was in die derde plek. Met die 9mm het Johan Kemp en Samson saam eerste geëindig.