Omgee red skilpad
Daar is nog mense wat omgee, wat bereid is om die tweede myl te loop om tot ander se redding te kom. Hierdie stelling is weer bewys to Quintin Groenewald van Uitbreiding 13 hom oor die lot van ‘n skilpad ontferm het.
Quinton het die groot skilpad by inwoners van die gebied gekry en was bang dat oningeligte mense dit skade kan aandoen. Hy het op Fred Orban se spoor gekom, wat hom gevra het om die skilpad veilig te hou tot Sondagoggend sodat dit afgehaal kon word.
“Quintin het ongeveer 20 jaar gelede by Mossel Bay Environmental Partnership (MEP) aangesluit. Hy was ook lid van die Green Club, van een van die voorste kettingwinkelgroepe.
Sy blootstelling destyds aan die belangrikheid van die behoud van die natuurlike omgewing bly hom tot vandag nog by en hy het onmiddellik besef dat die arme skilpad dalk ‘n onsekere toekoms sou hê indien hy in onsimpatieke hande sou val,” berig Orban. “Quintin het weer eens bewys dat kennis, opvoeding en blootstelling aan die broosheid van die natuur noodsaaklik is die behoud van ‘n gebalanseerde en gesonde omgewing.”
‘n Aantal jong kinders, sy eie en andere, het die reddingsproses intens gevolg. “Ook hulle het nou ‘n belangrike les oor bewaring geleer, want hulle was aanvankik baie bang vir die vreemde wese wat so erg kan blaas, maar het gou meer aan hom geheg geraak,” aldus Orban.