Skietklub hou geslaagde prysuitdeling
Die Neill Calitz-skietklub het Saterdag 'n suksesvolle jaar afgesluit met die klub se jaarlikse kampioenskappe wat weer vanjaar deur Group Editors geborg is. Baie goeie prestasies is Saterdag deur verskeie skuts opgedis en die uiteindelike wenners moes hard werk vir hul plekke. Drie lede het elk twee dissiplines gewen, naamlik Willie Germishuys, Suzette Herrer en Marius van Wyk maar dit was 'n baie veelsydige vertoning deur Mariska van Wyk wat daartoe gelei het dat sy uiteindelik as die skut van die dag gekroon is. Sy het vir Willie en Suzette met 'n enkele punt geklop.
Klubkampioenskappe
Om die onderskeie presteerders van die jaar te bepaal word die skuts beoordeel volgens hul prestasies tydens die klub se maandkompetisies wat op elke eerste Saterdag van die maand plaasvind asook die oefensessies op sekere Woensdae. Die beste manlike skut van die jaar is Willie met Suzette as die beste vroueskut van die jaar.
Suzette het ook die trofee as die Woensdag skut van die jaar ontvang deurdat sy 21 van die 23 skietoefeninge op Woensdae gewen het. Sy is verder ook gekroon as die klubkampioen van die jaar. Ander pryswenners was Eugene Barnard vir sy goeie skietprestasies, insluitend 'n honderdtal op Woensdae, Gert Nel, 'n veteraan, wat steeds verbeter en Johan Kemp wat deur die jaar goed presteer het.
Uitslae
Saterdag se uitslae is soos volg:
10m: 1. Mariska van Wyk en Marius van Wyk; 3. Willie Germishuys; 4. Chris Boshoff;
5. Eugene Barnard.
20m: 1. Suzette Herrer; 2. Mariska van Wyk;
3. Eugene Barnard; 4. Ivan Maddison; 5. Chris Boshoff.
20m-snelvuur: 1. Willie Germishuys; 2. Suzette Herrer; 3. Mariska van Wyk; 4. Ivan Maddison; 5. Johanna Germishuys. 9mm: 1. Marius van Wyk; 2. Willie Germishuys; 3. Suzette Herrer en Gert Nel; 5. Mariska van Wyk. 10-20m silhoeët: 1. Willie Germishuys en Eugene Barnard; 3. Mariska van Wyk; 4. Suzette Herrer, Soekie Boshoff, Chris Boshoff, Gert Nel en Johan Uys.
20m silhoeët: 1. Suzette Herrer en Ivan Maddison; 3. Soekie Boshoff, Mariska van Wyk en Chris Boshoff. .22 geweer: Agt lede het hier gelyk eerste gekom met 4/5 silhoeëtte wat hulle platgeskiet het.
Spankompetisie: 1. Suzette en Ivan asook Gert en Mariska; 3. Marius en Johan Kemp; 4. Willie en Johan Uys; 5. Chris en Johanna asook Eugene en Soekie.