Ontstig oor voorgestelde opgradering van Beyersstraat

Larry Daguiar, skryf:

Die huiseienaars van Beyersstraat, Klein Brakrivier, is hewig ontsteld oor die hardkoppige planne wat die Mosselbaaimunisipaliteit het om die straat teen miljoene rand te herontwikkel terwyl daar geen nodigheid daarvoor is nie. Meeste van die 18 eiendomme is sedert 1923 in dieselfde families se besit. Hulle voel dat die geld, wat glo brand om uitgegee te word, elders meer nodig is. Breedvoerige inligting is beskikbaar by Larry Daguiar (larraydags@gmail.com) Kommentaar:

Die Munisipaliteit beplan dringende onderhoud werk op Beyerstraat, ‘n openbare straat. Deel van die beplande onderhoudwerk is die moontlike aanbring van ‘n loopstrook aan die suidekant van die pad, ter wille van veilige voetgangerverkeer, asook moontlike parkeerfasiliteite aan die noordekant van die straat. ‘n Omvattende openbare deelname proses word gevolg om die algemene publiek, sowel as die aangrensende eienaars se insette te bekom.

Daar was wel ‘n opedag op 28 November waartydens inwoners meer inligting kon bekom en insette kon lewer. Die publiek word versoek om alle kommentaar voor of op 11 Januarie aan Louis-Marie van Zyl by Cape EAPrac 8 te stuur by louise@ cape-eaprac.co.za. Sodra die deelnameproses afgehandel is, sal die munisipaliteit ‘n besluit neem oor die tipe werk wat gedoen gaan word.