Moordkuil-wedloop begin vanjaar vroeër op Friemersheim

Die pragtige en gewilde 15km Moordkuil in Friemersheim vind vanjaar op Saterdag, 22 Desember om 07:00 en nie om 08:00 plaas. Aanlyn-inskrywings sluit op 17 Desember en inskrywingsgeld beloop R90 vir die 15km.

Laat inskrywing beloop R110 en tydelike lisensies kos R35.

Almal wat die wedloop voltooi ontvang 'n gelinte volkleur 60mm-medalje.

Die 4km-pretdraf begin om 07:30 en die koste beloop R30. Vir voltooiers van die pretdraf is daar 'n nuwe reeks gekleurde medaljes wat ook by al Hartenbos Drawwers se wedlope bymekaargemaak kan word.

Nico Dippenaar van Total Groot Brak is reeds sedert 2008 die borg van hierdie pragtige en gewilde boswedloop. Inskrywingsvorms is reeds by die Totalvulstasie op Groot Brak verkrygbaar.

Inskrywings kan ook op Vrydagmiddag, 21 Desember vanaf 18:00 tot 19:00 by die Total-vulstasie op Groot Brak gedoen word en die Saterdagoggend vanaf 05:30 op Friemersheim.

Goue medaljes vir al die kategoriewenners is op die spel en silwer vir die eerste 50 mans en eerste 50 vroue.

Die daarop volgende 200 deelnemers ontvang brons.

Prysgeld van R5 000 vir al die kategoriëe is ook op spel.

Die wegspringpunt van wedloop is by die VGK-gemeentesaal in Friemersheim.

Heerlike roosterkoek met wors met konfyt of kaas, lewerkoekies en pannekoek sal te koop aangebied word.

Vir meer inligting kontak Carel (062 299 3304) of Kleintjie (072 877 4121).