Mosselbaai Toyota borg al 24 jaar
Mosselbaai Toyota stap al ’n lang pad saam met die Boggomsbaai-gholfklub. Toe die gholfklub in 1984 sy beslag gekry het, was Mosselbaai Toyota sy eerste borg en het sederdien getrou aan sy sy gebly vir 34 jaar. Vir die Boggomsbaaispelers is dit ’n ongelooflike eer dat Suid-Afrika se voorkeur motorverskaffer so ’n lang pad saam met hulle gestap het. Baie dankie aan Stefan Janse van Vuuren, sy pa, Fanie, en sy huidige verkoopsbestuurder, Gawie Maritz, vir die wonderlike ondersteuning deur al die jare. Ons is julle ewig dankbaar.
Verlede Saterdag, 8 Desember, was dit dan die Mosselbaai Toyota-borgdag op Boggomsbaai. Een van Gawie Maritz se verkoopsmanne, Johan Winterbach, het saam kom speel en sommer uit die staanspoor gewys dat hy ’n lekker gholfer is. Hy sê hy het drie jaar laas gespeel, maar vir hom is
gholfspeel definitief soos fietsry - as jy eers bo gebly het, kan jy.
Oudergewoonte het hulle van hul voorste produkte kom uitstal en die manne was behoorlik watertand oor die mooi voertuie. Baie dankie ook aan Stuart Atkinson, Johan en Gawie wat die moeite gedoen het om die dag hier deur te bring.
In die IPS-kompetisie het die volgende spelers die beste gevaar:
1. Ernest Roux 38, 2. Marius Loubser 38,
3. Pienie Pienaar 36, 4. André Beukes 36, 5. John van Rensburg 35, 6. Willie van Wyk 32 en 7. Gert Opperman 32. Naaste aan die penne was Malan Cronjé op 6/15 en Fanie Wessels op 9/18.
Borgdae
Eerskomende Saterdag, 15 Desember, bied Prima Part van Mosselbaai ’n beterbalkompetisie aan op Boggomsbaai en op Woensdag, 19 Desember is daar ’n Moerse Lekker-gholfdag, ’n IPS aangebied deur Julyan Bruyns, ook op Boggoms. Op Saterdag, 22 Desember, bied Buffelsdrift Game Lodge ook hul jaarlikse borgdag op Boggoms aan. Die formaat is ook ’n IPS. Amal is welkom om te kom meedoen.
Kontak vir André Beukes by 082 460 0503 om in te skryf en of navraag te doen.