4 Nuwejaarsbabas vir Mosselbaai
Die Mosselbaai provinsiale hospitaal het met baie trots vier Nuwejaarsbabas verwelkom. Shareta Khana se dogtertjie is om 10:40 gebore. Sy het slegs 2.680kg geweeg. Om 11:35 het Fatimha Claassen geboorte geskenk aan 'n 3.710kg dogtertjie. Die enigste seuntjie is om 13:20 gebore en trotse mamma Sesthu Xingashe het vertel dat hy 3.680kg geweeg het en 50cm lank was by geboorte. Om 19:05 het Anet Seconds haar dogtertjie van 2.7kg die lewe ingebring.
Daar is geen Kersfeesbabas in Mosselbaai gebore nie en die Life Bay Viewhospitaal het ook geen Nuwejaarsbabas gehad nie.