Hoërskool Punt verwelkom Gorries
Die tradisie by Hoërskool Punt is om elke jaar die graad 8-leerders as "Gorries" te verwelkom deur normaalweg die dag voor die skool begin, 'n Gorrie-dag te hou.
Tanya de Kock, reeds 'n paar jaar direk betrokke by die emosionele welstand van alle Punt-leerders as lewensafrigter, het vanjaar haar goeie vriend Wian Vos by die Gorries betrek. Afgesien van baie pret en plesier wat die klomp Gorries het, leer hulle ook belangrike lewenslesse wat hulle lank sal onthou.
Die prettige gedoente eindig Maandagaand om 18:00 in die skoolsaal met 'n "Grammadoela-konsert" waaraan al die Gorries kliphard oefen.