Nuwejaarsgebed
Gerrit, deel graag sy Nuwejaarsgebed met ons lesers nog ‘n jaar is weer verby het in ‘n oogwenk weggegly
‘n nuwe jaar lê voor die deur gee my krag daarvoor O Heer my getroue Hemelvader terwyl ek U in ootmoed nader is al wat ek wil vra sal U my hierdie jaar weer dra nederig buig ek voor U neer en dank U vir U liefde Heer vul my jaar met U genade behoed my van die kwade U wat mildelik voorsien wil ek met liefde dien smekend vra ek vir U seën laat U genade op my reën sal U weereens hierdie jaar my en my geliefdes trou bewaar op al die kronkeldraaie van ons lewenspaaie laat weet my U is aan my sy ontferm U oor my vergeef my sondes telkemaal laat U vrede op die aarde daal