Bergfiets-prettrap ‘n reusesukses
Tydens ‘n baie warm Saterdagoggend wen Lloyd Bosman weer die gewilde Total Groot Brak Moordkuilwedloop op Friemersheim met Madelé du Plessis as eerste vrou. Danksy die ruimborgskap van Nico Dippenaar van die Totalvulstasie by De Dekke op Groot Brak het kategoriewenners goeie prysgeld, medaljes en pryse ontvang.
Johan Viljoen, voorsitter van Hartenbos Drawwers is ook baie tevrede met die verloop van die oggend tydens die baie moeilike 15km-sirkelroete deur die woud. Daar was ook ‘n groot deelname tydens die 4km pretdraf met pragtige medaljes wat verdien is. Die klubs het soos volg presteer. Van Nedbank wen Lloyd Bosman (54:59) en Madele du Plessis (1:11:20) die wedloop met Eddie Mouton (1:09:35) tweede veteraan, Selwyn Losper (1:03:58), Hermanus Jonker (1:09:31) eerste meester, Cecilia Nel (1:12:15) algeheel tweede, Laura Venter (1:38:02) tweede meester en Annetjie Botes (1:15:59) eerste grootmeester.
Hartenbos Drawwers het ook baie goed gevaar met Willem Lodewyk (1:11:40), Iaan Speelman (1:19:02) en Frank Dyasani (1:25:42), onderskeidelik eerste, tweede en derde van die klub. Nerida Lubbe (1:20:59) eerste veteraan, Rina van Schalkwyk (1:31:33) eerste meester en tweede van die klub, Magdelena Opperman (1:36:41) tweede grootmeester, Sinead Hatting (2:05:09) eerste stapper, Anneke Otto (1:32:39) derde vrou van die Drawwers.
Elroy Gelant (55:00) van Boxer is algeheel tweede met Gareth Jooste (58:17) algeheel derde met ‘n tydelike nommer so ook Julia J van Rensburg (1:13:04) derde algeheel, Somarie Holtzhausen (1:25:04) tweede veteraan en Bernard Kock (2:11:29) eerste stapper. Van Mooselbaai Harriers eindig Gurome Gelderblom (1:05:24) as eerste veteraan en Outeniqua Harriers se Patrick Rawlins (1:25:24) as tweede grootmeester, Austin Koopman (1:07:22) en Denovin Geduld (1:11:17) as eerste en tweede juniors met Lorraine Zemke (2:23:38 as tweede stapper. West Coast se Willie Coetzee (1:20:23) eerste grootmeester. Herman Dekker (1:38:35) van SAPS EPA eerste groot-grootmeester. Blue Waters se Andre Pienaar eindig as tweede stapper.
Skalla en Kleintjie van Schalkwyk van Hartenbos Drawwers wat die wedloop gereël het, bedank almal wat tot die sukses van die geleentheid bygedra het en veral die deelnemers van reg oor die land. “Sonder julle sou die wedloop nie so groot sukses gewees het nie. Die vier waterpunte wat vir die afgelope vyf jaar op hulle punte was, is Oujan en Anita Liebenberg, Ernst Viviers en sy span, Andre Knobel en sy gesin en Geo Engelbreght van South Oceans Properties en sy span. Ilze Viljoen en komitee se borge wat al die gelukstrekkings geborg het vir die wedloop. VGK-gemeenskap vir al die eet en drinkgoed met die saal en terrein, Andre Fraser van NSRI met sy manne soos Johan Nysschen en helpers en Des Harris, die wedrenbeampte en die tydhouers van ASWD, nogmaals baie, baie dankie.”
Meer inligting, foto’s en wedloopuitslae is beskikbaar op www.hartenbosdrawwers. co.za