Redakteur stel digbundel vry
Groot-Brakrivier se leeskring het op Maandag, 15 Julie Hannes Visser, redakteur van die Oudsthoorn Courant en Johan Murray genooi as gassprekers by hulle maandelikse byeenkoms om oor hulle digkuns te gesels.
Die geleentheid is gehou by die kunsgalery, Art@39long en Mike Erhman, redakteur van The Post het die gesprek gelei.
Ongeveer 40 mense het die geleentheid bygewoon. Johan Murray, ‘n sielkundige van Groot Brak was ook teenwoordig. Murray het self twee digbundels uitgegee, Geskoei en Intussen.
Visser se debuutbundel Die jaar toe pa… is in April vanjaar deur Naledi uitgegee.
Hy het tot dusver bekendstellings gehad in Oudtshoorn, George, Mosselbaai, Prins Albert, Calitzdorp, Stellenbosch en Bloemfontein. Die twee digters het tydens die geleentheid gesels oor hulle onderskeie digprosesse en inspirasie. Beide is oudonderwysers wat van beroep verander het.