Klubrugbyprogram
Twee klubrugbywedstryde in die Mic Fin Premierliga wek dié naweek groot belangstelling. Crusaders pak Heidelberg in Parkdene en die groot vraag is of die tuisspan genoeg skietgoed het om Heidelberg te stuit. Op sy tuisveld klop min spanne vir Heidelberg, maar in wegwedstryde, weg van sy fanatiese ondersteuners, is dit gans 'n ander storie. Glo een ding: die hare gaan waai.
En die tweestryd tussen Evergreens en GrootBrakrivier kan ook sorg vir 'n riller.
Dit lyk of Progress effe sukkel en Blanco gaan hom deeglik op sy tuisveld in Rosemoor toets.
Só lyk die klubrugbyprogram (tuisspan eerste genoem):
(Saterdag 20 Julie) Progress teen Blanco Crusaders teen Heidelberg Groot-Brak teen Evergreens Maori's teen Jaguars Barbarians teen Silver Stars George teen Bridgton Mosselbaai het ’n loslootjie.