GEBEURE / HAPPENINGS
Lyndansaand
Kom en geniet ‘n Cowboy-lyndansaand ten bate van ACVV Huis Elsjé.
Die kaartjies beloop R100 per persoon. Die drag is cowboy-styl. Die geleentheid vind op Saterdag, 2 November in die Mosselbaai-stadsaal plaas om 19:00. Bring jou eie piekniekmandjie.
Vir kaartjies, skakel Huis Elsjé (044 690 3144).
Houtwerkersgilde vergader
Lede van die Houtwerkersgilde vergader op 5 November om 18:00 by Katjiepieringstraat 27, Hartenbosheuwels.
'n Interessante video sal vertoon word en daarna volg 'n bring en braai.
Vir navrae kontak vir Sias by 082 821 7164 of 044 695 0872.
Mosselbaai GPF-vergadering
Die algemene jaarvergadering van Mosselbaai se gemeenskapspolisieforum (GPF) vind op Donderdag, 7 November om 17:00 in die Mosselbaai speurderslokaal plaas. Almal welkom. Vir navrae kontak Leon van Dyk (082 651 6228).
Barbarians hou vergadering
Die Barbariansrugbyklub hou op 7
November om 18:30 hulle algemene jaarvergadering in die D'Almeidagemeenskapsaal.
Kom vors jou familie na
Die Genealogiese Genootskap van SuidAfrika (GGSA) is ywerig om nuwe lede wat belang stel in familienavorsing in die Suid-Kaap te werf.
Die volgende gespreksgroep vind op Maandag, 11 November om 14:00 aan huis van Sias Coetsee, plaaslike gesprekleier, by Katjiepieringstraat 27 in Hartenbosheuwels plaas.
Vir navrae en om bywoning te bevestig kontak Sias by 082 821 7164 of 044 695 0872.
Polisieforum hou jaarvergadering
Die Da Gamaskopgemeenskapspolisieforum hou op 12 November hulle algemene jaarvergadering om 18:30 in die Portao Diaz Hotel se konferensielokaal.
Geloofsbriewe moet voltooi en ingehandig sewe dae voor die verkiesing 'n aanvang neem.
'n Nuwe bestuur word verkies wat vir die volgende vyf jaar aan die stuur van sake sal wees.
Vir navrae kontak Linden Baker (079 036 7130), Philip Mattheus (082 378 8277) of sers Johnathan Jansen (082 821 0538).